А ці шмат вы ведаеце загадкавых, таямнічых, амаль дэтэктыўных гісторый у беларускай літаратуры? Сусветны літпрацэс ведае іх шмат — калі адны пісьменнікі і паэты «стваралі» іншых: прыдумлялі сабе розныя псеўданімы, пісалі ад імя іншых людзей, у якіх нават былі свае біяграфіі, публікацыі, кнігі. Беларусы таксама зрабілі такую містыфікацыю. Што з гэтага атрымалася — глядзіце ў нашым відэа!
У цыкле лекцый "Беларусь як тэкст" пісьменніца і даследчыца Ганна Севярынец расказвае пра выбітных асоб беларускай гісторыі і культуры, якія пісалі Беларусь, стваралі яе як тэкст, як канструкт — праз свой талент, са сваіх уяўленняў, мараў, прынцыпаў і ідэй.
Для зручнасці прагляду лекцыі маюць субтытры — беларускія (для тых, хто не мае магчымасці слухаць) і ангельскія (для тых, хто не валодае беларускай). Так што гэтымі відэа можна — і трэба! — дзяліцца са сваімі сябрамі па ўсім свеце.