ترنيمة "قصة ميلادك" - كلمات وألحان/ رامز إسحق - ترنيم/ مارفل إيليا، يوسف سمير، نانسي كرمي، تيري وسام، رامز إسحق، ماجي يوسف - توزيع وميكساج/ جوزيف جمال - فيديو/ رامز إسحق - إنتاج/ فريق أطفالينو بكنيسة الإيمان بفيصل قطاع مدارس الأحد
١. قصة ميلادك يا يسوع مش أي قصة
دي قصة طفل كان جايب معاه الخلاص
وكل عام نحكيها وإحنا بردو لسة
عايزين نحكيها تاني وتاني لكل الناس
القرار
ياااااااه ... لو كنا ساعتها موجودين
كنا ها نجيبلك أحلى هدايا
لكن ... لكن ملحوقة وأدينا جايين
ومعانا قلوبنا أغلى عطايا
٢. ورعاة وملايكة ونور بينور وسط الليل
وسلام على الأرض ومجد لله في الأعالي
أصل المولود ده إتقال عنه من وقت طويل
إن بنوره ها ينور للناس في الليالي