تابع القناة الرسمية للمنشد نياف ليصلك كل ماهو جديد
https://shorturl.at/ruFPY
نياف تركي - فرصة العمر (حصرياً) | 2024
كلمات : محمد بن هضيب
مكساج وتوزيع : ناصر الشيباني
الكلمات
طال لليل السهر ماطاب للعين نوم
بين مسرى الهموم وبين معراجها
صار صدري مساحه للعنا والهموم
كل ليله عليّ تعسكر افواجها
اعزلتني عن وجيه الرفاقه عموم
ضيقة ٍ طاولتني في تولاجها
يوم اوقف على الماضي واشوف الرسوم
تنبش جروح ماوفقت في علاجها
لين بالحلم والصبر القوي والعزوم
اعرف سلوبها واعرف منهاجها
لاكسرتك الروابع عشت وانت مهزوم
لاتخليك بقعا داخل سياجها
لاسترح خاليٍ في كل شي مخدوم
الحياه الرغيده فوق ديباجها
فيه من ينطح الدنيا بقلبٍ عزوم
مايفكر بمدخلها ومخراجها
ماش حالٍ يدوم ولاش عمرٍ يدوم
المقادير ماتترك تعواجها
فرصة العمر مره ماهي بكل يوم
لاتمكنت منها ولع سراجها
خل مبداك شامخ بالقيم والسلوم
عزة النفس لاتنساق لاحراجها
ادع شمسك تجلاّ و ادع حضك يقوم
افلح وخل عينك يضحك حجاجها
ولاتغرك علوم مكثرين العلوم
الرياجيل واجد لين تحتاجها
#فرصة_العمر
#نياف_تركي
توزيع ديجيتال قنوات ميوزك
__________________________________________________
TikTok : https://shorturl.at/mCE36 : تيكتوك
Snapchat : https://shorturl.at/gjEO5 : سناب شات
X (Twitter) : https://shorturl.at/lzEK7 : تويتر