- [ ] مونتاج برق الحجاز
السناب: tsmim1 التيك توك: brq_0
____________________________
يدور الوقت وحظوظ البنادم رزقها مقسوم
الا يالله بقسمٍ من خيار قسوم خلق الله
يقوده رافع السبع الشداد وموجد المعدوم
كريمٍ سبح اله الكون كامل دقه وجله
تجلّت قدمي الأحلام ورسوم الزمان رسوم
صبا غرّ السنين الماضية والسيف والسلَة
صفا وجه الليالي لو سماها غاشيته نجوم
واخذت من الشعر فنجاله الأول من الدله
معاريف الرجال فروض مفروضة سوات الصوم
على اللي خاطرة للاولة مايلحقه ذله
سعاطير المفاخر في يده ماجت بحب خشوم
ما جات الا بفعلٍ يوقف الرجال في ظله
هلا باسم الرجال اهل الوفا فالموقف المحسوم
رجالٍ طيب معدنها سَبِل وسلوم وجبلّه
هلا يامرحبا والطيب دخّانه بكور وسووم
بكور وسوم للضيفان بالترحيب منهله
والا يابن وهق لاعدو قروم الرجال قروم
تراك الشامخ المحسوب في ترحاله وحلّه
زياديٍ طويل ذراع وتزيد السلوم سلوم
عسى عمر الكفو شرواك ربّ الكون يمهلّه
وتكريمك يابوزايد على شانك قوي عزوم
خدمت أرضك ودينك والملوك اللي على الملة
ملوك الدولة العظمى نهار ان الوغى مسموم
هل العوجا عزاويهم تسن السيف وتسلّه
اساميهم على مر الزمان مخلده لليوم
على هامة جبين المجد تلقا ورثهم كله
كلمات الشاعر:
حامد المنصـــوري