راع الاوله
كلمات الشاعر ؛ نواف المخلفي
اداء ؛ خـالـد ال بـريــك
تصميم ؛ منصة الابداع
توزيع ؛ ناصر الشيباني
مهداه الى رجل الاعمال
عيد ابن رابح الحربي
الكلمات
ذبـة الـنـايـد وهبـهـاب نـسنـاس الـشـمـال
ذي عــلاج الــشــاعــر الي زمـانـه بـهـذلـه
من ضجيج المجتمع صرت احب الانعزال
ابـتـعـد عن كـثـر الازـعاج والضول وهـلـه
اتــركـوني لـيـن اعــوّد وانــا مــرتــاح بــال
ودي ادور عـلـى قــفــر خــالـي وانــزلـــه
مـع عـنـا الايـام زاد الـعـنـا سمح الـقــبـال
واسـرف بـحـالي ومـن سـبـتـه زاد الـولـه
بس يـالمجـمـول لاتقطع حـبـال الوصال
الـهـوى يـامـصـدر هـيـامي بحاجة صلـه
لاتـقـول ان الـوصل يـاهوى بالي محال
كـان وصلك مشكله لاجـفيتـك مشكله
روف بي وادخل على الله ياهاك الغزال
من تـولـع فـيـك حـنـه حـرام تـغـربـله
شاعرك من يطلب اخر جديده ويش قال
ضـاق لاقـالـو يـانـواف مـاعـنـدك قـلـه
بس يـكـفي مـامضى لازم اشـد الـرحـال
شاعرك شـد وزهـابـه على ظـهـر جمله
بـيـض الايام وسعدها ورى سـود الليال
مير ياجـعـل الـعـوض بالسنين المقبله
والي بطيـبـه غمرني عسى ايامه طوال
واجـب ارد الـثـنـاء عـنـد راع الاوولــه
في مثل شرواه اصخّر عسيرات المنال
وبعجب عينه نـفـك الـرمـوز المقفـله
نـادر وخـيـرة بني عمي ولي راس مــال
واسمه وفعله مـاظـن النشاما تجهله
عيد بن رابح نماري بـه زحول الرجال
عيد بن رابح من اشهر رموز المرجله
مـن سـنـه وانـا عـلى مـدحـه ادوّر مـجـال
ودي اهدي له من اعذب قصيدي واجزله
ذا حزام الجنب كان الزمان الشين مـال
كم رجـال ازبـنـه ثـم ضمن مستـقـبله
الـعـديـم الي بجوده غدا مضرب مثال
صـار طيـبـه وكـرمه مضرب للامـثـلـه
وقفته تجلي هموم الزمن وان قال طال
وان هرج ماتسمع الا احتزم بي وازهله
من دواهي حرب ربعي كريمين السبال
" قـبلة الامـداح والطيب حنـا مدهـله "
قالها الشيخ ابن بتلا عقب غـنـا الجـزال
شطر مـن قـوة جـزالـتـه اعـده وانـقلـه
ابك هذاي حرب ماهيب جرف ولا هيال
خلقة الحربي من الله رفيـع المنـزلـه
الرجـال الي فعايـلـهم تـهـد الـجـبـال
كاسبين الطيب ومطوعيـن المعضله
والخوي من ماضي الوقت حنا له ظلال
ذالصحيح الي بالاثبات ماهو دهوله
والعدو انعامله في مراهيف السلال
نكـسره واليا حربـنـا العدو مانختله
وابلنـا نـرعـابـهـا في جراهيد الـعـبـال
هذاي الي دونها كم خصيم انجندله
زارع الله حبها في مـداغيـش العيـال
كـد ذكرهـا الله تعالى بـ أياتٍ منـزلـه