في وقت ما كان عندنا في مصر ، فيه حاجة اسمها تعليم ، له وزارة اسمها المعارف ، على رأسها عميد الأدب العربي طه حسين..
كان شعاره ونظرته عموما للتعليم ، إنه كالماء والهواء ..بمعنى أنه لازم يبقى متاح للكل ، بنفس الدرجة اللي متاح للناس فيها ، يتنفسوا ويشربوا مية..
لحد ما وصل عميد البلح العربي ، بمبدأه الشهير ، يعمل ايه اصلا التعليم في وطن ضايع ، تحت شعار هتدفع ؟ هوريك اللي عمرك ما شفته..
ولأن التعليم في مصر ، زيه زي كل المجالات اللي اتعسكرت ، وحصل عليها سطو مسلح ، من فئة لا في دماغها تعليم ، ولا تملك أي مشروع أو رؤية لتطويره ..
زائد فشلها الاقتصادي اللي أثر أكتر ، على المنظومة التعليمية كلها ، بمدارسها ومدرسيها .. بمناهجها ، بحالة الأبنية التعليمية ..
زائد احتقار السيسي وعصابته للقانون ، ودستورهم هما اللي التصويت عليه بنعم ، مفترض أنه هيجلب النعم ، وتجاهل كل المواد الخاصة بالتعليم فيه ، وتجاهل حتى النسبة المقررة اللي هي قليلة خلقة ، للصرف عليه من ميزانية الدولة ..
كل دي عوامل ، كان لازم مع الوقت ، تظهر نتايجها ، أو بمعنى أصح كوارثها على التعليم .. لكن اللافت للنظر في الفترة الأخيرة ، إن بدأت تترصد ظواهر غير مسبوقة ، بدأت من عشر سنين ، وزادت حدتها تحديدا آخر 5 سنين..
وهي الانخفاض الكبير ، في نسبة الأطفال اللي مفترض ، أنهم وصلوا لسن دخول المدارس ومدخلوش ، زائد الزيادة الكبيرة ، في عدد الطلاب اللي بيتسربوا من التعليم الأساسي..
ايه اسباب الظواهر دي ؟ وايه دلالاتها ؟ وايه تأثير سياسات السيسي الاقتصادية على الموضوع ؟
للدعم على Patreon :
https://www.patreon.com/ahmedbehiry
اشترك في القناة الرسمية على تليجرام:
https://t.me/ABehiry
الصفحة الرسمية لاحمد بحيري علي الفيسبوك
https://www.facebook.com/أحمد-بحيري-Ahmed-Behiry-109415711865636
الصفحة الرسمية علي تويتر
https://twitter.com/ahmedbehiry
اشترك في القناة لمتابعة الحلقات الجديدة
http://goo.gl/2KheJZ
المصادر:
- أعلم أهل الأرض
http://www.قooقle.com