خلونا نبدأحكايتنا النهاردة من على أحد التلال الخضرا في بيروت.. المطلة على البحر.. عند فيلا مالهاش مثيل في لبنان.. في الستينات.. اتصور فيها نجوم عالميين من هوليوود.. و متسابقات من ملكات جمال أوروبا.. الملك سلمان بن عبد العزيز.. أبو أبو منشار.. كان بيروح يتمرجح في جنينة الفيلا دي زمان و هو صغير.. ملوك السعودية كلهم تقريبا عدوا على الفيلا دي و هم صغيرين.. يوم الأحد من كل أسبوع كان بيبقى يوم مفتوح.. الفيلا فيه بتستقبل ملوك و سياسيين و دبلوماسيين و كتاب و مثقفين .. يقعدوا يدردشوا و يتغدوا وسوا مع صاحب الفيلا..
و أيام بيروت في عزها.. في فترة الستينات.. لما كان بيزورها نجوم عالميين زي فرانك سيناترا و مارلون براندو وبريجيت باردو - كانت الفيلا دي محطة أساسية في خطة الزيارة.. فيلا كامل مروة..
البيت كان مابيفضاش أبدا..
أكتر حاجة كانت بتميز الفيلا دي.. موقعها.. اللي كنت تقدر من عنده تشوف ساحل لبنان على البحر المتوسط كله.. عشان كده ماكانش غريب ان الدبابات الإسرائيلية تتمركز في الموقع ده سنة ١٩٨٢ عشان تقدر تقصف أهدافها ..
كل ده جميل.. بس السؤال بقى.. كامل مروة.. الشخص اللي من أصول ريفية متواضعة.. ازاي قدر يمتلك فيلا بالشكل ده في الموقع ده؟.. فيلا مالهاش مثيل لدرجة انها كانت بتستقطب السياسيين و الملوك و النجوم العالميين؟ هنا بقى تظهرلنا عبقرية الشخصية دي.. لأني لغاية دلوقت ماعرفتكمش لسة على كامل مروة.. مين الراجل ده؟.. و ليه عبد الناصر يبعتله حد مخصوص يقتله؟ كامل مروة يا سادة ببساطة.. هو أبو الصحافة العربية الحديثة.. هي دي عبقريته.. اللي هايدفع تمنها حياته.. على ايد عبد الناصر.. عدو الصحافة الحرة الأول..
للدعم على Patreon :
https://www.patreon.com/ahmedbehiry
اشترك في القناة الرسمية على تليجرام:
https://t.me/ABehiry
الصفحة الرسمية لاحمد بحيري علي الفيسبوك
https://www.facebook.com/أحمد-بحيري-Ahmed-Behiry-109415711865636
الصفحة الرسمية علي تويتر
https://twitter.com/ahmedbehiry
اشترك في القناة لمتابعة الحلقات الجديدة
http://goo.gl/2KheJZ
المصادر:
- أعلم أهل الأرض
http://www.قooقle.com