ნიკოს კაზანძაკისი თანამედროვე ბერძნული პროზის ერთ-ერთი საუკეთესო წარმომადგენელია. ცხრაჯერ იყო წარდგენილი ნობელის პრემიაზე. კაზანძაკისი ავტორია რომანებისა: „ბერძენი ზორბა“ (1946), „ქრისტე კვლავ ჯვარს ეცმის“ (1948), „კაპიტანი მიხალისი“ (1950) და „უკანასკნელი ცდუნება“ (1955). დაწერილი აქვს მრავალი პიესა, მემუარული თხზულება და ფილოსოფიური ესე. კაზანძაკისს თანამედროვე ბერძნულ ენაზე თარგმნილი აქვს არაერთი კლასიკური თხზულება, როგორებიცაა: „ღვთაებრივი კომედია“, „ესე იტყოდა ზარატუსტრა“ და „ილიადა“.