「龔水戀」真係好登對！
《愛回家之開心速遞》播放至今3年多，造就多對螢幕情侶，當中人氣長期高企的就要數「龔水戀」這一對。今年5月底播出一集，龔燁終於求婚成功，不少觀眾都大嘆等到頸都長。戲裡修成正果，戲外張景淳亦大讚呂慧儀這位對手合作有火花兼有默契。
憶及初初加入劇組，張景淳表示，自己之前從未拍過處境劇，而當時劇集已拍了200多集，同劇演員早已建立出拍攝的氣氛及文化，「當時新入組有點無所適從，但大家都好歡迎我，尤其是阿蟹（長腳蟹，即呂慧儀），佢好照顧我，係一個好體恤他人的演員」。
他又分享，劇中與長腳蟹對手戲較多，大家的演法也很相似，因此更有火花。「由第一次合作到現在，大家都不用特別對戲或排練。對完對白、睇完劇本，對自己的演出有大概感覺及想法，我們一到場會排一次，但雙方都大約出 60、70% 力，到開拍時才投放 100%，希望有更即時、真實的感覺，所以很多時都沒太多設計。這是大家由一開始至今的做法，也算是我們的默契。」
戲裡合作無間，張景淳戲外也大讚呂慧儀是位好演員、好對手。「佢靚啦，又夠高，同我一樣高，是 Model 身形。而且佢轉數好快，不論在廠拍攝，還是跟大家溝通、解決問題，佢都會拋好多意見，讓件事更爽快地解決，因為處境劇每日時間好緊迫，我們每日要拍完一集，好多人、場景、故事問題要解決，但不可以落後進度，幸好有佢可以趕回進度。這方面是她做了比演員多的工作。」
他坦言，理想對象若有這些優點將會更理想，但最重要的還是要無私，對對方忠誠和投入。「有 Commitment 我覺得是任何關係都需要有的元素，哪怕是男女關係或兩個人合作，都一定要有 Commitment 。這是一種委身、一種投入、一種承諾，我覺得這些比外表、對方是否溫柔，都更為重要。」
不過張景淳也笑指，自己並非如龔燁般多諗頭和浪漫：「我覺得自己都係一個細心嘅人，浪漫與否就要視乎對方，我會嘗試以自己方式浪漫，但對方覺唔覺就係另一回事。」他續說，自己不是典型的浪漫型男友，未必會帶伴侶去沙灘觀星或到訪有「浪漫之都」之稱的巴黎，「若我好 commit 就會細心留意對方每一件事，盡量滿足她需要的東西，通常段關係維持愈久，我會投放得愈多。」
https://www.bastillepost.com/hongkong/article/7494582/?variant=zh-tw