الاسبوع ده القضاء الشامخ بتاعنا حكم على رجل الأعمال محمد الامين ب 3 سنين سجن بتهمة ايه بقى ؟ (( الإتجار في البشر)) وايه تاني؟.. (( هتك عرض)) بنات قاصر ويتامى كمان ..في نفس اليوم بقى اتحكم على مهندس اسمه يحيى حسين عبد الهادي بأربع سنين سجن ، بعد ما كتب مجرد مقالة بينتقد فيها السلطة ، والتهمة نشر أخبار كاذبة ..وده إن دل على شئ فإنما يدل على الولا حاجة .. لأن مفيش كلام يتقال اصلا ..جريمة إنك تقول أو تكتب رأيك بكل سلمية حكمها في القانون المصري، اكبر من الحكم على واحد القضاء نفسه في حيثيات حكمه وصفه بأنه منتهك عرض اطفال وبيتاجر بالبشر .. وعلى صعيد آخر وزير الأوقاف حب يشارك في فرح العمدة المنصوب اللي متسمي حوار وطني ..فقالك انزل بتطبيلة تحمل الطابع الديني عن حكمة وعظمة السيسي وحكمه الرشيد، اللي قائم على المشاركة والشورى والود والمحبة.. وقد كان ..بس المشكلة إن البيان طول شوية فتقريبا عمنا هنج وبدأ بهلفط ، وراح حاطط في البيان الآية اللي بتقول : اذْهَبَا إِلَى فِرْعَوْنَ إِنَّهُ طَغَى فَقُولَا لَهُ قَوْلًا لَيِّنًا لَعَلَّهُ يَتَذَكَّرُ أَوْ يَخْشَى.. بس يا سيدي الناس شافتها وعينك ما تشوف الا النور.. لدرجة أنهم مسحوا البوست ، ومن ساعتها والوزير لا حس ولا خبر..ويقال إن شهود عيان من جيرانه كل يوم يسمعوا المدام وهي بتترجاه يطلع من تحت السرير وهو اللي رافض ..
مع اننا لما قلناله اننا هانسمع كلامه و هانقول للسيسي قولا لينا.. سمعنا صوت غريب.. لا مش من مناخيره.. ووشه جاب ألوان و قالنا سيسي مين؟.. الآية بتقول فرعون.. يعني لو عاوزين تكلموا حد عندكم المتحف المصري.. و نقوا أي فرعون يعجبكم فيه.. ايه اللي حشر السيسي في الموضوع؟
للدعم على Patreon :
https://www.patreon.com/ahmedbehiry
اشترك في القناة الرسمية على تليجرام:
https://t.me/ABehiry
الصفحة الرسمية لاحمد بحيري علي الفيسبوك
https://www.facebook.com/GhasilMokh
الصفحة الرسمية علي تويتر
https://twitter.com/ahmedbehiry
اشترك في القناة لمتابعة الحلقات الجديدة
http://goo.gl/2KheJZ