عابرة (34)
مــاك زيهـــــن
✍ محمد احمد الحبيِّب
غناء : معاوية المقل
https://a.top4top.net/m_1190lv9230.mp3
ماك زيهن
لكنهن
ما اظنهن
ح يفهمن
معناكي يوم
زي القمر
نص الشهر
رغم السهر
تجي من سفر
لكن اقامتك مابتدوم
🍇ده براهو كوم🍇
صالات مطار
وطول انتظار
لحظات ودار
ودموع حسار
وسهر نجوم
ياعابره كيف
وايامي صيف
واحلامي طيف
والتحتي قيف
والموية في رحم الغيوم
🍇ده براهو كوم🍇
طول الطريق
وعدم الرفيق
وبعد الفريق
وريقي الدقيق
وريح السموم
احلام صباي
وصدى غناي
واملي ورجاي
وعهدك معاي
ياريت يدوم
🍇ده براهو كوم🍇
يا اماني هل
ح نلقى حل
قبل الاجل
نصبح اهل
وارتاح وانوم
ياكي الزمان
رغم اللي كان
كلك حنان
بُعد المكان
ماغيرك ياعابرة يوم
🍇ده براهو كوم🍇
ما أملحك
في ملمحك
وما أروعك
في مطلعك
وحاشاكي لوم
لكن كمان
مافيش ضمان
هذا الزمان
ماعندو امان
غدار وشوم
🍇ده براهو كوم🍇
انتِ السحر
ساعة ظهر
بعد المطر
فاح وإنتشر
كسح الوجوم
وأنا كالفراش
بعد الرشاش
كلي إندهاش
بي إنتعاش
حواليك احوم
🍇ده براهو كوم🍇
كمين سنه
راجيك أنا
وساعة المنى
لمان دنا
لاقوني قوم
لو عندهن
وماعندهن
مابهمهن
كل همهن
الحي قيوم
♤عصام حسن ود الشمالية♤ issam hassan ♤