الناس اللي كانت بتطلب مننا نتكلم عن أفلام رعب... ابسطو يا جماعة... النهاردة اخيرًا ولأول مره في السلسلة دي... جايبينلكم احد كلاسيكيات سينما الرعب... كلمة "كلاسيكيات" منقصدش بيها إن الفيلم قديم... الفيلم من ٢٠١٣ ... بس اول ما نزل كان واضح انه هيعيش للأبد وفعلاً بأه جزء من الثقافة الامريكية لحد النهاردة...
لأنه زي أي قطعة فنية عظيمة... بيلمس مع وتر جواك انت عارف انه موجود بس مش بتتكلم عنه كتير.
فيه دراسة إحصائية – وللأسف دي الدراسة الإحصائية الوحيدة اللي المصريين عارفينها وحافظينها صم - بتقول ان الناس اللي بتشتم بتكون حالتها النفسيه احسن لأنها مش بتكتم حاجة في نفسها.
كلنا لما بنتعصب بنحس اننا عاوزين نكسر حاجة او نخبط دماغنا في الحيط... باختصار عاوزين نعمل أي تعبير عنيف عن الغضب عشان الكبت وحش.
وعلي قد ما كنت عنيف على قد ما نفسيتك ترتاح اكتر... وتحس انك "اتطهرت" من جوا وطلعت المشاعر السلبية دي..
وهي دي فكرة فيلم النهاردة... فيلم "التطهير" أو The purge
الفيلم فكرته بسيطة...في المستقبل بعد ما أمريكا وصلت للرفاهية التامة لسه الناس عندها ميل للعنف والجرايم... طيب نعمل ايه؟
احنا هنعمل ليله واحدة كل سنة... تكون فيها كل الجرايم مباحة والقانون لاغي...
القتل والاغتصاب وتقطيع الجثث واستخدام الأسلحة النارية من المسدس لحد المدافع الرشاشة، الشرطة منسحبة من الشوارع والفوضي والجريمة في كل حتة ومحدش يخلي في نفسه حاجة... وأول ما النهار يطلع والناس تكون "اتطهرت" من رغباتها الشريرة.. يرجع النظام والأمن والأمان.
فكرة حلوة صح؟
للدعم على Patreon :
https://www.patreon.com/ahmedbehiry
شاهد الفيلم على القناة الرسمية على تليجرام:
https://t.me/ABehiry
الصفحة الرسمية لاحمد بحيري علي الفيسبوك
https://facebook.com/ahmed.behiry.the.page
الصفحة الرسمية علي تويتر
https://twitter.com/ahmedbehiry
اشترك في القناة لمتابعة الحلقات الجديدة
http://goo.gl/2KheJZ