{الحراق}(69) أبو الوطاويط.. و الـKـليلة السودة! THE DARK KNIGHT

فيه حقيقة رياضية بتقول ان ما بين الرقمين (١) و (٢) فيه عدد لا نهائي من الأرقام. لأنك ممكن مثلاً تاخد النسب العشرية اللي بين الرقمين دول... يعني واحد وواحد من عشره.. واحد واتنين من عشره .... الخ. وبعدين النسب المئوية... واحد وواحد من ميه... واحد واتنين من ميه... الخ برضه. وبعدين واحد وواحد من الألف.... وهكذا لحد ما توصل لواحد واحد من المليار... واحد واتنين من المليار.... إلى مالا نهاية بأه... ما الأرقام مش هتخلص. وبالتالي لما اسئلك فيه كم درجة للرمادي؟ هتقولي برضه درجات لا نهائية.. لأن الرمادي خليط بين الأبيض والأسود.. وممكن تغير النسب اللي هتخلط بيها اللونين دول مع بعض.. والنتيجة هيكون فيها اختلاف ضئيل في اللون مش هتشوفه بالعين المجردة.. لكنه موجود. وزي ما قلنا قبل كده .. الدراما الجيدة مش بتعرض البشر باعتبارهم ابيض واسود... لأن الحياة مفيهاش ابيض واسود.. انما درجات واطياف من الرمادي. بس فيه مشكلة مهمة في فيلم النهاردة... ان في ظل وجود الاطياف دي.. هتيجي فين بالظبط وترسم خط كده وتقول.... هو ده الحد الفاصل بين الخير والشر... ويا ترى أيه النقطة اللي انسان كان على جانب معين من الخط... يقرر يعدي تاتا تاتا للناحية التانية؟ النهاردة هنتكلم عن الفيلم الأسطورة... اللي من ساعة ما صدر وهو بيعتبر المعيار اللي بيتقاس عليه أي فيلم سوبر هيرو تاني لحد النهاردة.. الفيلم المشترك بين كل القوائم اللي بتتكلم عن عن أفضل الأفلام في التاريخ. ومين كان يصدق ان الفيلم ده، يبقي عن راجل بيلبس بدلة وطواط.. بيحارب راجل تاني حاطط مكياج بلياتشو على وشه! النهاردة معادنا مع الجزء التاني والأفضل بدون جدال في ثلاثية العبقري كريستوفر نولان. The dark knight الفارس الأسود. لأ مش فارس الظلام... هي الترجمة المشهورة فارس الظلام انا عارف... بس الترجمة الصحيحة هي الفارس الأسود... وخلونا نشرح ليه وازاي وعشان ايه. للدعم على Patreon : https://www.patreon.com/ahmedbehiry شاهد الفيلم في القناة الرسمية على تليجرام: https://t.me/ABehiry الصفحة الرسمية لاحمد بحيري علي الفيسبوك https://facebook.com/ahmed.behiry.the.page الصفحة الرسمية علي تويتر https://twitter.com/ahmedbehiry اشترك في القناة لمتابعة الحلقات الجديدة http://goo.gl/2KheJZ