سلام عليكم تاريخ الامبراطورية العثمانية يقفلوا ١٠ مواسم game of thrones بrating ٩.٩ مستريح.. انهارده وبعد اكتر من ١٠٠ سنة على انهيار الامبراطورية اللى استمرت لاكتر من ٦٠٠ سنة من وقت تاسيسها على ايد عثمان الاول سنة ١٢٩٩ واللى كانت بتضم اجزاء من اوروبا واسيا وافريقيا لما تيجى تبص على التاريخ الطويل ده وتتفرج على لحظات الصعود والهبوط معارك وحرروب تحالفات وعدوات.. حلم عثمان الاول اللى بيبقى حقيقة على ايد محمد الفاتح بعد سقوط القسطنطينية وامبراطورية عظمية مع سليمان القانونى.. اوقات نعنشة وفرفشة مع سلاطين كتييير منهم اللى خان واللى اتخان اللى قتل واللى اتقتل .. هتلاقى نفسك بتقولى ايه ده بجد الحاجات دى حصلت .. ازاى يا جدع..القصة بدأت تقريبًا سنة 1299، لما عثمان الأول، اللي كان زعيم مسلمين في الأناضول، قرر يعلن نفسه سلطان بعد ما عمل كمين كده على البيزنطيين وكسب. والإمبراطورية كلها اتسمت باسمه بعد كده ، مفيش عنه معلومات كتير، بس الاكيد ان هو اللي أسس الإمبراطورية دي كلها .مش عارفين كتير عن عثمان الأول، عشان مفيش حاجات مكتوبة عنه وقتها. المؤرخين بيحاولوا يفرقوا بين الحقيقى واللى اى كلام.لكن القصص القديمة بتقول إن عثمان كان ابن أرطغرل وحفيد سليمان شاه، وكانوا كلهم من قبيلة تركية اسمها الأوغوز، بس في علماء مش متفقين على الحكاية دي. المهم إن عثمان هو اللي بدأ يبني الإمبراطورية العثمانية اللي فضلت موجودة 600 سنة عثمان شاف إن السلاجقة في إيران والعراق بقوا ضعاف بعد ما اتكسروا سنة 1293، فاستغل الفرصة دي وبدا يوسع أرضه في الأناضول، وخصوصًا إنهم كانوا بيحاربوا الروم. في بداية القرن الرابع عشر، الإمبراطورية العثمانية اللي كانت لسه بتتأسس بدأت تكبر ع الناحيتين، وقربت من بحر مرمرة ونهر سكاريا. المشكلة كانت إن العثمانيين معاهم سلاح قديم ومش بيقدروا يحاصروا المدن الكبيرة زي القسطنطينية العثمانيين ما قدروش ياخدوا مدينة بورصة إلا سنة 1326، وبعدين خلوها عاصمتهم الجديدة سنة 1335. وفي الوقت ده، عثمان الأول مات، وابنه أورهان او أورخان بقى سلطان بعده. بعد ما أخدوا بورصة، الأتراك بقوا أقوى وكمان سيطرتهم زادت، وعلى قكرة لحد دلوقتي كتاب عثمان الأول موجود هناك.
Ref. Caroline Finkel, Osman's Dream: The History of the Ottoman Empire
Halil İnalcık, The Ottoman Empire: The Classical Age, 1300-1600
#تاريخ #الإمبراطورية #ottomanempire