8 حاجات مخلياك تعبان طول الوقت

أهلا بيك أنا سيرا بعمل محتوى عن أي مشكلة في المجتمع - # الطاقة في أوقات كتيير بتضيع مننا ف اللاشيء لسبب واحد وهو انعدام الطاقة - شيء يخليك قاعد ع السرير مش قادر تقوم مع إنك عارف إنك لازم تقوم مش عارف تنجز وبتفوت فرص وأحيانا خروجات سبحان الله فااااااااااااااااالفيديو ده هدفه نوصل لكل مستنزفات الطاقة عشان نتخلص منها --- في يوم ما كنت بشحت أفكار من أصحابي - واحدة صاحبتي بعتتلي احم احم بعتتلي إننا نتكلم عن وعي البني ادم بايه اللي بيستنذف طاقته سواء تجمعات أو العزلة أو أيا يكن أنا مهتمتش أوي عشان مكنت عارفة اريليت للمشكلة وفي نفس اليوم كان عليا حاجات متلتلة أعملها معملتش حاجة للإن مفيش طاقة --- المشكلة إني لما سألت جوجل جاوبني إجابات مستفزة يعني قال كل اشرب قهوة بطل كحول اشرب مياة كإنه بيحاول يسكتني فاا كان لازم أدور بشكل أعمق عملت مقابلة مع صاحبتي اللي بتدرس طب (أكيد بتوع طب فاهمين) عشان اسألها ايه الحاجات اللي بتشفط الطاقة --- يبقا كدا 1- قلبان اليوم 2- 1- القعدة: أتوقع عشان كدا الناس بتعمل تمارين الصباح بس مظنش دي حاجة هتتعمل أصلا بس كسر القعدة ب الحركة مهم لإن الكسل بيجيب كسل فلما تحس نفسك تعبان انزل اتمشى 10 دقايق واه أنا جربت الموضوع ده النهاردة رحت مشوار ورجعت حسيت إن الكسل والتعب راح فااا فيريفايد 3- الموبايل : فا لو عليك حاجات مهمة تتعمل ,اقفل الموبايل وسيبه جربت الموضوع ده يومين نقلت الواتس ع اللابتوب فمش مضطرة أفتح الموبايل وكدا كدا مفيش مكالمات مهمة بتجيني و التجربة نجحت حسيت إني **متحكمة بوقتي** 4- مفيش دافع: لو عايز تعمل حاجة ميعنة ف لازم يكون عندك دافع قوي جدا إنك تعمل الحاجة دي لدرجة إنك تقوملها مخصوص ف راجع أهمية الشغلة دي و قد ايه هي هتفيدك ولو ليك صاحب معاك خليه يزن عليك 5- الحاجة اللي عليك تعملها مش سهلة وفيها عوائق كتير : ف تبقا لاستجابة الكر أو الفر البني ادم بيختار الفر لإن مواجهة الشغل أوقات بيبقا صعب ونسبة الفشل فيه كبيرة مثال :- أنت عليك إنك تقدم على شغل كتير : بس حاسس من أعماقك إنك مس هتتقبل فالبالتالي الشغلانة تقيلةع قلبك أما لو اشتلغت ع السي في جامد أوي وذاكرت الشركات اللي هتقدملها جامد أوي لدرجة نسبة قبولك بقت أكتر البارير اللي مبني ف مخك قدام الفعل ده هيقل 6- الأكل الغير صحي : خلاص يعني كلنا عرفنا الجنك فود بيقلل الطاقة وبيكسر المفاصل و بيقلل المناعة بلا بلا بلا 7- أناأسفة إني هقول الحاجة الكليشيه دي بس عدم شرب المياة : ومش عشان حاجة عشان وأنا راجعة من الجامعة ف مرة أنا واللي جمبي لسبب ما كنا بنتنمر ع مياة الزقازيق بعدين قالتلي هو أنت مش بتاخدي مياة معاكي قلتلها يعني أحيانا عادي بشرب ف البيت والله قالتلي لا لا لا لا لا لازم تاخدي مياة معاكي امليها من بليل فحسيت إن الموضوع مهم 8- أوضة متروقة = مخ متروق أخيرا اقتراح بريء في ترند طالع من فترة وهو رومانتيسايزينج كل حاجة الناس اللي بتقعد ع بنترست كتير هتفهمه بس هذا الشيء جامد وهو سلاح جبار في التغلب على الكسل يعني لو بدل ما تصحى متأخر وتاكل سندوتش جبنة حزين قمت بدري عملت فطار مفيد وشكله حلو ونيسكافيه - مشورب النيسكافيه مش الشركة المقاطعة - وصورته مثلا هيبقا ده بالنسبة لك فعل جميل بما فيه الكفاية إنك تتحمس تصحى وبدل ما تتمشى الصبح قرفان ومش طايق نفسك تبدأ تتأمل وتلاحظ الجمال وتصور مثلا هيبقا المشي بالنسبة لك متعة تستحق التجربة وبدلما تذاكر في ظهر النتيجة تذاكر في نوتة حلوة نضيفة بألوان وحركات وأنت قاعد ع المكتب وبدل ما تروح الجامعة جاضض وتروح جاضض تعمل حسابك إنك تقعد مع صحابك شوية بعد الجامعة إلخ إلخ إلخ أتوقع التجارب البسيطة حتى هتبقا شوية ممتعة وتدي البني ادم شغف إنه يقوم أكيد في أسباب مرضية زي الاكتئاب والغدة الدرقية و الانيميا و نقص فيتامين دي وبلا بلا بلا بس أنا هنا بتكلم ع الأسباب غير المرضية وييي مبروك المرة الجاية اللي هتحس فيها إنك تعبان هتفتح اللستة دي وتشوف المشكلة منين وتحلها