“ကျန်တဲ့ ၃မြို့ကို တိုက်စစ်ဖွင့်ပြီး အနှေးနဲ့အမြန် AA သိမ်းပိုက်မယ်”

“ကျန်တဲ့ ၃မြို့ကို တိုက်စစ်ဖွင့်ပြီး အနှေးနဲ့အမြန် AA သိမ်းပိုက်မယ်” ------------- လူထောင်ချီသေဆုံးခဲ့တဲ့ ငလျင်လှုတ်ခတ်မှုကြောင့် ကိုးကန့်၊ တအာင်းနဲ့ ရခိုင်ပါဝင်တဲ့ ညီနောင်မဟာမိတ် ၃ဖွဲ့ဟာ လက်ရှိ မေလတစ်လလုံး အပစ်အခတ်ရပ်စဲမယ်လို့ ကြေငြာထားပါတယ်။ ဒါကြောင့် ရခိုင်ပြည်နယ်အတွင်း လတ်တလော စစ်ရေးတည်ငြိမ်နေပါတယ်။   ဒါပေမယ့် အာရက္ခတပ်တော် AA ဟာ ရခိုင်ပြည်အတွင်း စစ်ကောင်စီတပ်ကင်းစင်ရမယ်ဆိုတဲ့ စစ်ရေးရည်မှန်းချက်ကို အကောင်အထည်ဖော်ဖို့ရှိတာကြောင့် လက်ကျန်မြို့တွေကို ဆက်လက်သိမ်းပိုက်သွားဖို့ ရှိလိမ့်မယ်လို့ ရခိုင်နိုင်ငံရေးလေ့လာသုံးသပ်သူ ဦးဖေသန်းက ပြောပါတယ်။   ၁၇မြို့နယ်ရှိတဲ့ ရခိုင်ပြည်နယ်မှာ မြို့တော်စစ်တွေ၊ တရုတ်စီမံကိန်းကြီးတွေရှိတဲ့ ကျောက်ဖြူနဲ့၊ မာန်အောင် ၃မြို့ကလွဲလို့ ကျန် ၁၄မြို့နယ်ကို AA က သိမ်းပိုက်ထားပြီး ဖြစ်ပါတယ်။ လက်ကျန် ၃မြို့နယ်မှာလည်း မြို့ပေါ်လောက်မှသာ စစ်ကောင်စီယန္တယားတွေ လည်ပတ်နိုင်တော့တာပါ။   မဟာမိတ်တွေဖြစ်တဲ့ ကိုးကန့်နဲ့ တအာင်းတပ်တွေ တရုတ်အစိုးရရဲ့ ကြီးမားတဲ့ဖိအားနဲ့ ရင်ဆိုင်နေရချိန်မှာ AA အပေါ် တရုတ်ရဲ့ဩဇာလွှမ်းမိုးမှုကကော ဘယ်လောက်ထိ ရှိလာနိုင်မလဲ၊ ထိန်းချုပ်ထားမြို့တွေမှာ AA ရဲ့ အုပ်ချုပ်ရေးယန္တယားလည်ပတ်နေတာကော ဘယ်လောက်ခရီးရောက်နေပြီလဲ။   ဒါ့အပြင် ဘူးသီးတောင်နဲ့ မောင်တောမှာ ရိုဟင်ဂျာတွေအတွက် ပြည်နယ်ထူထောင်နိုင်ဖို့ ဘင်္ဂလားဒေ့ရှ်နိုင်ငံရေးသမားတွေက တရုတ်အစိုးရကို အဆိုပြုထားတဲ့ကိစ္စအပါအဝင် ဘင်္ဂလားဒေ့ရှ်အစိုးရနဲ့ AA ရဲ့ လက်ရှိဆက်ဆံရေးအခြေအနေတွေနဲ့ပတ်သက်ပြီး ဝါရင့်ရခိုင်နိုင်ငံရေးသမား ဦးဖေသန်းကို ဆက်သွယ်မေးမြန်းထားပါတယ်။   မေးမြန်း -ရောင်နီ