Allah Ne Ye Shan Barhai Tere Dar Ki
Bakhshi Hai Malaik Ko Gadai Tere Dar Ki
Paane Ko To Khursheed o Qamr Charkh Ne Paaye
Kia Paya Agar Khak Na Paai Tere Dar Ki
Hooron Ne Malaik Ne or Jinnon Ne Bashar Ne
Kis Kis Ne Kahan Bheek Na Paai Tere Dar Ki
Allah Ke Ghar Se Hai Rasai Tere Dar Tak
Allah Ke Ghar Tak Hai Rasai Tere Dar Ki
Le Jaye Gi Ek Din Mujhe Taiba Mei Urra Kar
Jis Waqt Hawa Jhoom Ke Ayi Tere Dar Ki
Seene Mei Bhara Hai Teri Naimaton Ka Khazana
Alam Mei Lutata Hoon Hun Kamai Tere Dar Ki
Mehsher Mei Bhi Is Shan Se Jaunga Munawar
Rakhe Huwe Kaandhe Pe Chatai Tere Dar Ki
Allah Ne Ye Shan Barhai Tere Dar Ki
Bakhshi Hai Malaik Ko Gadai Tere Dar Ki