0:00. Пайғамбардың Мәдинаға келуі
Хирадағы үңгірде қатерлі қауіптен құтылған соң, Мұхамбет пайғамбар «Мәдина қайдасың» деп аттың басын солай қарай бұрды.
Бұл кезде Мәдинадағы мұсылмандар үш күннен бері пайғамбарды сағынышпен күтіп отырды. Расулдың қарасы көрінген сәтте олар жүгіріп лап қойды. Бәрі сағыныш әнін айтып, той тойлады. Бұл күннің ауып, түс мезгілі болған уақыт еді. Барлығы бір жерге жиналып, жұма намазын оқыды.
4:11 Мәдина шаһарының салынуы
Ертеде дүниенің төрт бұрышына билік жүргізген Мәлік деген патша болыпты. Әлемде одан өткен бай, құдіретті ешкім болмапты.
Бір күні патша араб жазирасында аң аулап жүріп, Меккеге келеді. Қараса, қажылық мезгілі екен. Жұрт оны патша екен деп елемейді. Ол уәзірінен:
– Бұлар неге маған тағзым етпейді? – деп сұрайды. Уәзірі:
– Уа, падишам, бұлар – табиғатынан надан, тәкаппар халық. Ыбырайымның Қағбасынан артық ешкімді мойындамайды. Оны көңілге алмаңыз, – дейді. Патша:
– Олай болса, мен бір түмен әскер жіберіп, Қағбасын қиратамын. Нан піскен кеудесін табанға басып, ат құйрығына байлаймын, – депті.
12:56 Ұстынның көз жасы
Мұхамбет пайғамбар Мәдинаға келді. Оны қарсы алған ансарлар пайғамбарға үй салып берудің қамына кірісті. Алдымен шаңыраққа ұстын тіреп, қабырғасын көтерді. Пайғамбар насихат айтқанда, сол ұстынға сүйеніп отыратын. Кейіннен ансарлар мінбер жасап беріп, пайғамбар соған шығып, уағыз жүргізе бастады. Сол кезде ұстыннан адамның өксіп жылағаны сияқты дыбыстар шығып, тұла бойынан жас тамшылай бастады.
15:04 Әзіреті Омардың ескі әдеті
Әзіреті Омар хат танитын сауатты еді. Ол қағаз-қалам шұқылап, жазу-сызуға, оқу-тоқуға құмар болатын. Бірде пайғамбар шатырынан шығып еді, көлеңкеде жұлым-жұлымы шыққан, сарғайған парақтарды оқып отырған Омарға көзі түсті. Ол:
– Әй, Омарым, не оқып отырсың? – деді.
– Иә, Расул Алла, Тәурат қой.
– Омаржан-ау, ана тіліңде Құдай саған Құран түсірді, қолдан қолға өтіп, әбден өзгеріске ұшыраған сол кітапқа қайдан ғана құмар болдың? – деді пайғамбар.
15:55 Жаралыстан ғибрат алу
Мәдинаның жұрты пайғамбарға жиі келіп, сан түрлі сұрақтар қоятын. Бір күні бір момын күн бата ауласында демалып отырған пайғамбарға келді де:
– Иә, Расул, сізде сұрағым бар, – деді.
– Сұрай ғой, құлағым сенде, – деді пайғамбар.
– Біздің Құран кітап «Адам – Алланың орынбасары, жердегі халифі» дейді. Мен де солай десем, мына надан бауырларым «Қайдағы орынбасар?! Адам тек құдайларға құл болады» деп дес бермейді. Құраннан аят айтсам, «Кітабың қате» дейді. Осыған не уәж айтсам болады? – деді.
28:01 Пайғамбардың сынған тісі
Ухуд шайқасында Мұхамбет с.ғ.с. пайғамбардың тісі сынады. Ұрыс біткен соң, бір сахабасы сынған тісті тауып алады. Пайғамбардың тісін аяқасты қылуға дәті жібермей, оны үйінің бір бұрышына көмеді.
Тіс көмілген жерден аппақ күріш өсіп шықты. Сахаба пайғамбарды шақырды. Пайғамбар келіп, «Ясин» сүресін оқып, дұға жасады.
28:37 Пайғамбар мен кейуана
Бірде Мұхамбет пайғамбар серіктерімен келе жатып, Мәдинада ұршық иіріп отырған бір кемпірге кез болады. Амандасып, сұрасқан соң кейуананы әңгімеге тартады.
– Апа, сіз Құдайдың барына сенесіз бе?
– Сенем.
– Оған не дәлел?
– Дәлел мына ұршық. Мен қолыммен тиіспесем, ол өздігінен дөңгелемейді. Олай болса мына ай, күн, аспан, жер, жұлдыздарды біреу дөңгелетіп отыр. Әйтпесе, қалайша олар өздігінен қозғалып тұр? - деді кейуана.
29:32 Құрманың хикаясы
Бірде Мұхамбет пайғамбар серіктерімен келе жатқанда жолда азықтары таусылып, қарындары ашты. Жебірейіл періште оларға пейіштен інжу, меруерт, дүрлермен өрнектелген алтын табаққа салынған құрма жемісін әкелді. Пайғамбар «Бісcіміллә» деп, табаққа қол салып, құрмадан дәм татты. Серіктері де жапырлай қозғалып, құрма жеуге кірісті. Табақтағы құрма азайғанда, ортадағы бір құрма ерекше көрінді. Бір кереметі: ол құрма қолға түспей дөңгелей берді. Сахабалар бұған таң қалды.
33:58 Ғабділдәнің кітап иелеріне мойындатуы
Мұсылмандар Мәдинаға көшіп келгесін бұған дейін кітап түсіп, дін оқыған әһлі кітап иелерімен жиі айтысып қалатын. Олар Мұхамбетті с.ғ.с. мойындамай, бұрынғы пайғамбарларды ұлық етіп көрсеткенде ешкімге дес бермейтін. Пайғамбардың серіктері ол кезде тәжірибесіз болғандықтан, мойындата алмайтын. Пайғамбар Ғаббас ағасынан туған Ғәбділдә атты інісін қасынан тастамай жүріп, оған талай ілімнің сырын ашқан еді.
Бірде пайғамбардың дәрежесін қорғауға Ғәбділдә қатысты
@aslanm3845
https://youtu.be/EGYzstEVtEQ?si=CTgO1BAsgSKzt20p
https://youtu.be/uyQfV7i_Bv8?si=t9nn0ZEoK-MX_2PL
https://youtu.be/JlD9Zdp5Oro?si=h9yBUDqk5WaAs4jw
https://youtu.be/4YdGKCzGNv4?si=1aPRR7fm_Nf92sYv
https://youtu.be/jT6BTSsLoRY?si=vwn7XibYFpD0OGLR
https://youtu.be/xbwXZmqxTjQ?si=PB-sRafOy12VdRFo