اساسيات تغذيه مريض السرطان (السكريات اللحوم الحمراء والمصنعه الالبان ومشتقاتها اكلات تحارب السرطان)

اساسيات تغذيه مرضى الاورام من اكتر المواضيع المحيره لمرضى الاورام و ذويهم موضوع التغذيه (الاكل و الشرب) بعد التشخيص وأثناء العلاج وحتى بعد الشفاء وأثناء تلقي العلاج الوقائى واللى ممكن يستمر لسنوات مثل العلاج الهرمونى لاورام الثدى واورام البروستاتا طبعا الخرافات ع الانترنت و السوشيال ميديا مالهاش اخر وكلام من نوعيه امنع السكر و اللحوم الحمراء عشان السرطان بيحبهم وبيتغذى عليهم وطبعا غيرهم من انواع الاكل الممنوع واللى المريض بيمنع نفسه عنهم ويعذب حاله ع الفاضى ويجيله اكتئاب وزى ما فى خرافات عن اكلات ممنوعه عشان بتغذى السرطان فعلى الناحيه التانيه حتلاقي خرافات من اللى بتعالج السرطان زى الشيح و يذر المشمش و اللوز المر و الجرافيولا وفاكهة القشطه وغيرها المريض بيفضل قلقان طول الوقت وبيمر بفترات من سد النفس والترجيع والغثيان اثناء العلاج ثم فترات من اضطراب الشهيه بسبب الكورتيزون وبيكون معاها زياده وزن واحتباس سوائل وغيرها ومع كل مرحله بيفضل المريض محتار ياكل ايه و ماياكلوش ايه 🙃 فى الفيدوهات دى حتلاقي كل ما يخص تغذيه مريض الاورام من بدليه التشخيص وأثناء العلاج الكيماوى وما بعد الشفاء اثناء المتابعه وتلقي العلاج الهرمونى لمرضى اورام الثدى والبروستاتا وفيديو خاص لحلول زياده الوزن اثناء العلاج الهرمونى لسرطان الثدىودى مشكله بتهم كتير من المرضى 🙂 وكمان فيديو خاص بالفيتامينات والمكملات الغذائيه للمرضى اللى عندهم مشاكل ف التغذيه او عندهم مشاكل ف الجهاز الهضمى من الاورام او العلاج نفسه خلينى اجمع لكم الفيدوهات دى ف البوست ده وكمان لو عندكم اسئله حطوها ف الكومنتات و حرد عليها فى فيديو إضافى لو لم يتم ذكرها مم قبل ودمتم بخير وصحه وعافيه