#سينابون ولا سينامون 🤔
القرفة بالانجليزي سينامون بس الماركة اللي بتعمله أو المحل المشهور فيه اسمه سينابون ف عادي تحكوا هيك او هيك 💜
مقادير العجينة : ( أكواب وملاعق معيارية)
خليط الخميرة للتأكد من فاعليتها :
٢ ملعقة كبيرة خميرة فورية
١ ملعقة كبيرة سكر
ثلث كوب حليب بودرة
كوب ماء دافئ ٢٤٠ مل (مش سخن)
ثلاثة أكواب ونصف طحين متعدد الاستعمالات
نص معلقة صغيرة ملح
٧٥ غ زبدة دايبة ولكنها مش سخنة ( ثلاثة أرباع الأصبع)
١ بيض بحرارة الغرفة
معلقة صغيرة ڤانيلا
٣ معلقة كبيرة سكر
مقادير الحشوة :
٥٠ غ زبدة دايبة ولكنها مش سخنة (نص أصبع )
كوب سكر بني رطب
١ ملعقة كبيرة نشا
١ ملعقة كبيرة قرفة
٢ ملعقة صغيرة كاكاو بودرة منخول غير محلى
كوب جوز مجروش ناعم (اختياري)
العجينة بنخمرها ساعة
بعد هيك بنرقها مستطيل قياس ٣٥*٣٠ سم
بندهنها بالزبدة وبنرش الحشوة وبنلفها
وبنقطعها بالخيط بتعمل ١٢ حبة
لازم ترتاح الحبات بالصينية من ربع ساعة لنص ساعة قبل الخبز وبعد التقطيع
للطريقة الأولى الموضحة بالڤيديو :
لطبقة البترسكاتش :
كوب سكر بني
١٠٠ غ زبدة (أصبع)
ربع كوب كريمة خفق سائلة للحلويات
١ معلقة صغيرة فانيلا
كوب جوز بيكان (حب كامل أو مجروش )
لصوص الجبنة للطريقة التانية :
علبة جبنة كريمية بحرارة الغرفة (١٨٠غ) أو ١٢ حبة جبنة مربعات
ثلث كوب حليب مكثف محلى
١ معلقة صغيرة فانيلا
العجينة بتقدري تقسميها بالنص للطريقتين وبتقدري تعنلي عجينتين
مقدار العجينة هاد بعمل ١٢ حبة وبنستخدم صينية قياسها ٢٨*٣٨ سم
مدة الخبز : ٢٠ دقيقة بالطريقتين
الفرن محمى مسبقاً على ٢٠٠ مئوية بالرف المتوسط بدون مروحة
#سينامون #سينابون #قرفة #رولات_القرفة #cinnamon