တီတီကာကာ ရေကန်ကြီး အကြောင်း သိကောင်းစရာ | Interesting facts about Lake Titicaca
ဒီတခါတော့ တောင်အမေရိကတိုက်ရဲ့ လူသိအများဆုံး အထင်ရှားဆုံးရေကန်ကြီး ဖြစ်တဲ့ တီတီကာကာ ရေကန်ကြီးရဲ့ အကြောင်းကို ဝေမျှသွားပါမယ်။
ဒီရေကန်ကြီးဟာ ကမ္ဘာပေါ်က လှေသင်္ဘောတွေ ခုတ်မောင်းပြေးဆွဲနိုင်တဲ့ ရေကန်တွေအနက်မှာ အမြင့်ဆုံး ရေကန်အဖြစ်လည်း သတ်မှတ်ခံထားရပါတယ်။
တီတီကာကာ ရေကန်ကြီးရဲ့ တည်နေရာကတော့ တောင်အမေရိကတိုက် က ပီရူး နိုင်ငံ နဲ့ ဘိုလစ်ဗီးယားနိုင်ငံ နှစ်ခုရဲ့ကြားက အန်ဒီးစ် တောင်တန်းဒေသမှာ ဖြစ်ပါတယ်။
အရှည်ဆုံးနေရာမှာ အလျား ၁၁၈ မိုင် ရှိပြီး အကျယ်ဆုံးနေရာမှာ ၅၀ မိုင်ခန့်အထိ ကျယ်ကာ ကန်ကြီးရဲ့ မျက်နှာပြင် ဧရိယာ စုစုပေါင်း က ၃၂၃၂ စတုရန်းမိုင်ခန့် ရှိနေတာကြောင့် တောင်အမေရိကတိုက်ရဲ့ အကြီးဆုံးရေကန်အဖြစ်လည်း သတ်မှတ်ခံထားရပါတယ်။