Khit Thit သတင်းဌာန၏ မတ် ၁ ရက် မနက်ပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ မတ် ၁ ရက် မနက်ပိုင်း တင်ဆက်ပေးမယ့် သတင်းတွေကတော့
-အကြမ်းဖက်စစ်ခေါင်းဆောင် မင်းအောင်လှိုင်လက်ထက်မှာ မြန်မာနိုင်ငံဟာ ၂၀၂၄ ခုနှစ်အတွက် အဆင်း ရဲဆုံး အာရှနိုင်ငံ ၁၀ ခုစာရင်းမှာ တတိယနေရာ ရရှိတယ်လို့ World Population Review ရဲ့ အစီရင်ခံ ထုတ်ပြန်ချက်အရ သိရပါတယ်။
- ဧရာဝတီတိုင်း၊ သာပေါင်းမြို့နယ်မှာ အာရက္ခတပ်တော် AA နဲ့ စစ်ကောင်စီတပ်တို့ကြား တိုက်ပွဲ ပြန်လည်ဖြစ်ပွားနေတယ်လို့ ဒေသစစ်ရေးသတင်းရင်းမြစ်တွေဆီကနေ သိရပါတယ်။
- ထိုင်းအစိုးရက နိုင်ငံအတွင်း ခိုလှုံခွင့်တောင်းခံ နေတဲ့ ဝီဂါမွတ်စလင်ဒုက္ခသည် ၄၀ ကျော်ကို အတင်း အကျပ် တရုတ်နိုင်ငံကို ပြန်လည်လွှဲပြောင်းပြီးနောက် လက်တုံ့ပြန်တိုက်ခိုက်မှုတွေ ဖြစ်ပေါ် လာနိုင်လို့ လုံခြုံရေး အထူးသတိပြုကြဖို့ အမေရိကန်သံရုံးနဲ့ ဂျပန်သံရုံးက ထိုင်းနိုင်ငံအတွင်း သူတို့နိုင်ငံသားတွေဆီကို သတိပေးကြေညာချက်တွေ ထုတ်ပြန် လိုက်တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။