♫ كنت جاي احكي ♫
◄أول مرة اكون جايلك عشان اقعد براحتى معاك
واقوللك ع اللي جوايا وافضفض بالكلام وياك
والاقي نفسي مش بانطق ومش عارف أقولك إيه
◄ماقلتش كلمتين على بعض وماعرفش الكلام راح فين
ومن ساعة ماجيت ساكت وبدل الساعة فاتو اتنين
وكل ما اقول هاقول ماباقولش ومش عارف أنا ساكت ليه
◄يارب انا كنت جاي احكي لكن فجاة لاقيتني بكيت
فسبت الدمع يتكلم وقلت أكيد .. أكيد حسيت
عشان عارفك بتفهمني ومش محتاجنى اقول حكايات
◄بصراحة الدمع ريحني ووفر من كلامي كتير
وطلع خنقتي مني وتعبي وحيرة التفكير
كأني حكيت معاك بالظبط بس حكيت بدون كلمات
◄مافيش ف الدنيا شئ أحسن من القعدة معاك يايسوع
سواء قلت اللي جوايا كلام او حتى قلته دموع
ما دايماً آخرة القعدة معاك إنى باكون مرتاح
◄خسارة افضل كدة بيني وبين نفسي حزين محتار
ده انا لو قايدة نار فيَّ قعادي معاك هايطفي النار
ولوشفت انها اتقفلت .. أكيد انت معاك مفتاح
▬▬▬▬▬▬ Social Media ▬▬▬▬▬▬
► Facebook : https://www.facebook.com/ElmesEdenaBand
► Google+ : https://plus.google.com/+ElmesEdena
► Youtube : https://www.youtube.com/c/elmesedena
► Twitter : https://twitter.com/ElmesEdenaBand
► Instagram : https://www.instagram.com/elmesedenaband
►Anghami : https://play.anghami.com/artist/4558414
#كنت_جاي_احكي #المس_ايدينا #Elmes_Edena