Ha ka 9 tarik lber 2025, ka synjuk ki kynthei Catholic zone 7 shillong archdiocese, ka la pynkut noh ia ka annual meet kaba 2 sngi, kaba la sdang naduh ka 8 tarik Lber bad pynkut pat haka sngi u trai ka 9 tarik Lber. Ha kane ka jingiakynduh lang jong ki, la wan ban pynmynta ia ka mass bakhuid da u Rev Fr. Gerald khongji uba long ruh u member jong ka council jong ka shillong archdiocese, ha ryngkat ka jingsynran lang u parish priest, Rev Fr. Caldinus Majaw ha ka juh ka por ba long ruh u spiritual director jong ka synjuk ki kynthei catholic zone 7, Fr. Khathing Jeremiah, asst parish priest Umbir parish, Fr. Leo Iawbor, parish priest Umsohlait parish, Fr. Richard Jariañ, Fr. Kenny Pakma director jong ka RRTC Umran, ki sister, ki brother,bad ki paidriewngeit.
La pynshit pynshngaiñ shuh shuh ia kane ka sngi bakhraw jong ki kynthei catholic zone 7, daka jingiadon lang ki riew pawkhmat ba kynthup ia u MLA jong ka mawhati constituency u bah Charles Marngar, ka president jong ka synjuk ki kynthei catholic shillong archdiocese, kong kiltiyora Marbaniang bad kiwei kiwei.La pynkup burom ruh ia ki spiritual director jong 5 tylli ki parish ba kynthup ia ka Mawlasnai parish,Mawbri parish, Umbir parish, Umsohlait, bad ka Umsning parish.
Ha kane ka sngi, da ki spah ngut ki longkmie na baroh 5 tylli ki parish ki la wan ban shim bynta da ka jingshitrhem bad jingriewblei.U Rev Fr Kenny Pakma u la ialam ia ka jingmane sakramen kaba la pyndap shoin ia ka mynsiem ki paidriewngeit, bud sa ka jingpynhap ia ka lama jong ka seng da u bah Charles Marngar.
La ioh ia ka jingkren ai khublei na ka president jong ka seng kynthei catholic Umbir parish, kong Jenita Sun, bud sa da ki program bapher bapher ba la shim bynta da ki longkmie na baroh 5 tylli ki parish. Hadien ki program la pynkut ia kane ka sngi da ka jingduwai da u rev Fr. Caldinus Majaw, parish priest Umbir parish, bad la pynbna ruh ba annual meet ban wan jong ka synjuk ki kynthei catholic zone 7 kan long ha Mawbri Parish.
#khuborniam #salesiannews #meghalayareligiousnews