Macro lens Alternatives for Dental Photography. بدائل عدسات الماكرو لتصوير الأسنان

لما تعرف ان ارخص عدسه ماكرو تمنها ضعف تمن ارخص كاميرا بروفيشنال ممكن تجيبها النهارده يبقي لازم تدور علي بديل

عشان كده هاقولك النهارده لو معاكش عدسه ماكروا تعمل ايه


- اولا يعني ايه عدسه ماكرو
يعني عدسه فيها خاصيتين مهمين جدا وهما
1 – عدسه ليها معامل تكبير 1: 1
(magnification ratio)
2 – عدسه تقدر تعمل فوكس علي مسافه قريبه جدا من الاجسام اللي هاتصورها
(minimum focusing distance)

طيب انا دلوقتي اشتريت الكاميرا بتاعتي لقيتها جاي معاها عدسه 18-55 و دي مش عدسة ماكروا
هل ممكن اخليها تبقي ماكروا ؟

قدامك حل من اتنين
1-Extension tube
دي من اسمها كده ممكن تحرف انها عباره عن اسطوانه بتزود المسافه بين العدسه و سينسو الكاميرا فا تزود معامل التكبير و تقلل اقرب مسافه العدسه تقدر تاخد عليها فوكس

طيب انواعه ايه
1 اوتو و ده فيه وصلات بتوصل الدايره بتاعه العدسه بالدايره الكهربائيه اللي في الكاميرا فا الاتوفوكس بتاع العدسه يفضل شغال

2 مانيوال ده مفيهوش وصلات بين العدسه و جسم الكاميرا يعني معاش هاتقدر تتحكم في الفوكس و لا في فتحة العدسه

طيب عيوب الاكستنشن تيوب ايه
- ماتقدرش تحسب معاه معامل التكبير بشكل دقيق
- مع زياده طول المسافه اللي الضوء هايمشيها جوه العدسه هاتقل كميه الضوء اللي واصله للسينسور عشان كده الصور معا بتبقي Under exposed
- النوع الاوتو غالي و جوده تصنيعه سيئه و بيعمل قفله ممكن تحرق بورده العدسه او الكاميرا لردائه الوصلات فيه
- النوع المانيوال بيقطع التحكم في فتحة العدسه و الفوكس في العدسه فا هتطر تعمل كل حاجه مانيوال و ده بيحتاج تدريب جامد جدا عشان تحصل علي نتايج مظبوطه

الحل التاني هو ال Macro filters
دي عباره عن عدسه بتركب زي الفلتر علي العدسه بتاعتك و بتزودلك معامل التكبير و تقللك مسافة الفوكس

انا بحب الحل ده اكتر عشان ليه مميزات كتير منها
- ان التحكم في الفوكس و فتحة العدسه هايفضل موجود
- ان معامل التكبير لكل فلتر محسوب
- انها ارخص بكتير من الاكستنشن تيوب الاوتو
- ان وزنها اخف

لكن ليها شويه عيوب

Chromatic aberration-

حلها قلل فتحة العدسه و استخدم اقل بعد بؤري للعدسه واظبط اضائه الفلاش

- الصوره بتبقي سوفت عن الاطراف بتاعتها عشان العدسه بتكون محدبه بزياده في اتجاه الاطراف
حلها
اشتري فلتر اكبر من قطر العدسه بتاعتك و استخدم
Step down


Music: https://www.bensound.com

Facebook
https://www.facebook.com/dr.ahmednaguib
twitter
https://twitter.com/AhmedNguib
Instagram
https://www.instagram.com/ahmd.naguib/
linkedIn
https://www.linkedin.com/in/dr-ahmed-naguib-bds-msc-b3658048/

#tutorials
#How_to
#Dental