اشترك في قناة " مبادرة حمدان بن محمد للابداع الأدبي" الرسمية:
https://goo.gl/QieNFb
ميحد حمد - جسر الصداقة
Mehad Hamad - Jeser Alsdaqa
من أشعار سمو الشيخ حمدان بن محمد بن راشد آل مكتوم ( فزاع )
الحان / فايز السعيد
الضـايق اللي سـاريٍ لـيله ولا حَصَّـل طريق
تلـعــب به الايّـام بيـن يْـميـنهـا وشْـمالـها
يا غَـارقٍ بالهَم لا تطـلب نجاتك من غريق
الصبر مفـتاح الـفرج ، والـناس هـذا حالها
وانا ترى مَتني يشيل مْن الحِمِل ما لا يطيق
مالي ومـال الـحِـمله اللي كل كـتفٍ شـالها
والدلّـه اللي ماتـقهوي ضيفها ، قِل للبريق
يرسل تعـازي ضـوّها لا فاحت بْفـنجـالها
أيّامنا بين الشهر واليوم ، والباقي سحيق
الايّام كم يبغى لها ، والناس كم يبغى لها
قمريّة الأحزان لا غَنَّت على الغصن الدقيق
ما تْعـاتب الـمحزون لو غَنَّت وَلا غَنَّى لها
يا ناس وش حَل الرفيق اللي يعاتب له رفيق
لا حَدِّتـه الايّـام ، والدنـيا عـلى منـوالها
لا تحسب ان اللي تحبَّه لا جَرَحته ما يضيق
لو يسـتر جْـروحه عـليك وعِـلِّـتـه ما قالــها
يضيق لكن مَبْسمه ضَحَّاك وِحْجَاجه طليق
لان الصَّداقه كنز ، والحَسْـنَه بِعَشْـر امثالـها
والحقد في قلوب الرجال اهْل الوفا ماهو يليق
قـلـوبـها تبقى نـظـيفه .. لـو تـغَـيَّـر حـالـها
وانا لو ابني للصداقه جسر لعيـون الصـديق
الـناس من كثر الزعل ، فال الله وْلا فالــها
العـذر مايكفي من التـقدير ، والصدَّه تعـيق
الوصـل من بيـن الـقـلـوب اللـي تـمـد حْـبالـها
والالماس سِعره فوق سِعرك يالذهب لو لك بريق
سِـعره لـحَاله .. والذهب تسـعـيرته بلْـحَالـها
واهْل الجواهر يفرقون الكـهرمان مْن العقـيق
لو تخـلـط الثـنتيـن بنـتٍ فـي طَـرَف سلسالها
نَصبر على قَرص النحَل حتى نوصِّل للرحيق
واهل الهـوى يمسـح خطـاياها لـذيذ وْصـالـها
والـناس لاجـل آمالـها تحـتاج للفـهم الدقـيق
واللي ما تملك فَـهم تخسر نفـسها وآمـالـها
جْبال الارض الشامخه يا منكر المجد العريق
هـامـاتنا من كـبر هـيبتنا ، تطـول جْـبالـها
جديـدنا مستـقـبلٍ زاهـر ، وماضـينا عتـيق
مسـيرة الـتاريخ يـبقـى مجدنا فـي بـالـها
لو ان حَضارتنا قصيدة شـاعرٍ فكـره عمـيق
ما كان غير محمد المكـتـوم صـاغ امثـالها
#ميحد_حمد
#ميحد_حمد_قديم
#جسر_الصداقه
توزيع ديجيتال: شركة قنوات ميوزك
ــــــــــــ
Official Twitter: https://twitter.com/mubadara
Official Instagram: https://instagram.com/mubadara/
Official Facebook: https://goo.gl/nOU7y2
Official Google+: https://goo.gl/1XXMN3
Official Youtube: https://goo.gl/mifdwF