Maganda, mayaman, makapangyarihan, at anak ng dating mayor, hari at kinakatakutang boss o lider ng isang notoryus at malaking sindikato na parang mafia ng Pilipinas Kuratong Baleleng na nakabase sa Ozamiz City, Mindanao. Ang kaniyang pigura ay kinahuhumalingan ng iba at prinsesa ang talagang turing sa kaniya ngunit sa paglipas ng panahon at sa pagkaupo ng kamay na bakal bilang Presidente ng Pilipinas, nagwakas ang kaniyang buhay prinsesa at nauwi sa apat na sulok na selda.
Nova Princess Parojinog Echavez, anak ng dating Mayor Reynaldo Aldong Parojinog Sr. ng Ozamiz City, ay isang pigura na nakakabighani hindi lamang dahil sa kanyang kagandahan at yaman kundi dahil rin sa kapangyarihang taglay ng kanyang pamilya. Ang mga Parojinog, kilala at kinatatakutan sa Ozamiz, ay hindi estranghero sa kontrobersiya. Sila ay naugnay sa grupong Kuratong Baleleng at iba pang mga sindikato notoryus sa kanilang lugar. Hindi lamang sila nangingibabaw sa ilalim ng mundo ngunit matagumpay rin nilang naitransisyon ang kanilang impluwensya patungo sa mundo ng pulitika, kung saan marami sa mga miyembro ng kanilang pamilya ay nanalo at naupo sa mga posisyong pampubliko. Sa edad na 17, maaga nang naging ina si Nova Princess at sa kalaunan ay nakapangasawa ng isang manlalaro ng PBA. Gayunpaman, ang kanilang pagsasama ay hindi nagtagal, humantong ito sa hiwalayan. Sa kabila ng mga personal na pagsubok, hindi nagpatinag si Nova Princess. Unti-unti siyang gumawa ng sariling pangalan sa larangan ng pulitika, kung saan siya ay tumakbo at nanalo bilang vice mayor. Sa kabila ng kanilang katanyagan at impluwensya, ang pamilya Parojinog ay patuloy na binalot ng mga alegasyon ng pagkakasangkot sa ilegal na droga. Bagama't halos lahat sa Ozamiz ay may kaalaman sa mga ilegal na gawain ng pamilya, kakaunti lamang ang naglakas-loob na manindigan laban sa kanila. Ang takot sa posibleng kapahamakan mula sa pamilya ay naging isang malaking hadlang para sa sinumang nagnanais na itaguyod ang hustisya laban sa mga Parojinog.
True Crime Tagalog | Tagalog Crime Stories