Poet Zain Jafri, 2 Shaban, Jashn E Syed-Ul-Shuhada 2021, IRC

#3Shaban#IRC#JashneImamHussain#Manqabat#ZainJafri Jal rahay hen jo diye unko bujhaya jae. Aj bus shamm-e-mawadat ko jalaya jae. Ik katay sar ko suna or ye hakim ne kaha: "Shimr na-ahl ko filfor bulaya jae. Sham walo ne ye dastoor bana rakhkha hey. Har k nezo'n pe Quran uthaya jae. Kitna mushkil hey tere ghum ko bhulana, Mola. Kitna aasan hey keh dena, "Bhulaya jae". Hazrat E Hur (AS) ka to pehle bhi aqida ye tha: Bint e Ahmad (SAW) ka kabhi dil na dukhaya jae. Aese Abbas (AS) Shah-e-Deen (AS) k pichay chaltay. Jis tarha sath kisi jism k saya jae. Khak par beth gae hen jo masaib sunnay. Haq to ye hey k unhain sar pe bithaya jae. Us k darbar me ajao, giriftari do. Is se pehle k tumhain dhund k laya jae. Ap bus Zakir e Shabeer laga den is me. Or mere nam me kuch bhi na lagaya jae. Ikhtilafat hen raae me, koi harj nahi. Niyato'n ko to nishana na banaya jae. Un se nisbat hey tumhain Zain btao kesi. Phool me bagh ka kuch rung to paya jae. Zain Jafri