Ang Sampaloc ay isang distrito ng Maynila sa Pilipinas. Ito ay tinatawag na University Belt o simpleng "U-Belt" dahil maraming Universities at Colleges ang dito nakatayo katulad ng Unibersidad ng Santo Tomas, ang pinakamatandang nabubuhay na unibersidad sa Asya; ang NU o National University ang unang pribadong nonsektarian at coeducational na institusyon sa Pilipinas; ang Far Eastern University, na kilala sa Art Deco campus at cultural heritage site ng Pilipinas; at ang Unibersity of the East na dating tinaguriang pinakamalaking unibersidad sa Asya. Ang distrito ay napapaligiran ng mga distrito ng Quiapo at San Miguel sa timog, Santa Mesa district sa south east, Santa Cruz distrito sa north west part at Quezon City sa Eastern side
Ang "Sampaloc" o "Sampalok" ay ang katutubong salitang Tagalog para sa bunga ng sampalok. Ang lugar ay malamang na ipinangalan dito dahil sa mga puno ng sampalok na maaaring madami at mayabong sa lugar na ito.
Ang pagkakatatag ng Sampaloc bilang isang bayan ay kasabay ng pagkakatatag nito bilang isang parokya na independiyente sa Santa Ana de Sapa noong 1613. Noong panahong iyon, kasama rito ang ngayon ay Pandacan na nahiwalay dito noong 1712.Ang Sampaloc ay mayroong sampung Barrio ― Bacood, Balic-Balic, Bilarang Hipon, Calubcub, Manggahan, Nagtahan, San Isidro, San Roque, Santa Mesa, and Santol.
Ang edukasyon sa Sampaloc ay pinangangasiwaan ng Division of City Schools – Manila. Ang Sampaloc ay tahanan din ng ilang unibersidad at kolehiyo na bahagi ng University Belt tulad ng Far Eastern University, Informatics, Mary Chiles College, National University, Perpetual Help College of Manila, Philippine College of Health Sciences, Philippine School of Business Administration, University of the Silangan, Unibersidad ng Maynila, at Unibersidad ng Santo Tomas.
Ang Sampaloc ay ang hub ng mga pangunahing pambansang bus transport carrier. Kabilang sa mga kumpanya ng bus sa Sampaloc na may kanya kanyang ilang terminal: Fariñas Transit Company, GV Florida Transport, Victory Liner, Partas, Maria De Leon, RCJ Trans, RCJ Lines, Five Star Bus Company, Northern Luzon Bus Line at Dalin liner at iba pang southern Luzon na mga bus.
Bukod sa pagiging "University Belt", kilala rin ang Sampaloc sa Metro Manila at sa mga kalapit na probinsya para sa Dangwa flower market nito, na matatagpuan sa Dimasalang Road, na kilala bilang selling center para sa mga cut flowers mula sa buong Pilipinas, pangunahin sa Baguio. Ang Sampaloc ay lokasyon din ng isang dating kolonyal na mansyon, na ngayon ay tinatawag na Windsor Inn, na sikat sa mga backpacker at budget traveller.
Mayroong 241 na barangay ang buong distrito ng Maynila mula barangay 395 hanggang 636 Gayunpaman, ang kilala ngayon bilang mga barangay 587-636 ay naging bahagi ng Santa Mesa nang ang mga lugar na ito ay ihiwalay sa Sampaloc matapos ang Santa Mesa ay maging isang hiwalay na parokya noong 1911. Ang Santa Mesa ay bahagi na ngayon ng ika-6 na distrito ng kongreso ng Maynila, habang ang Sampaloc ay ang nag-iisang distrito na binubuo ng 4th congressional district ng Maynila.
Maraming mga kalye sa Sampaloc, partikular na sa north east side na bahagi na hinati ng España at Lacson Avenues, at ang mga pangalan ng lugar direktang nauugnay sa pambansang bayani ng Pilipinas na si José Rizal, gaya na Calamba Dapitan at Blumentritt at mga tauhan mula sa kanyang mga nobela (hal. Ibarra, Maria Clara) o ang kanyang mga panulat (hal. Laong Laan)