पराक्रमाची साक्ष देणारा सिंहगडावरील तानाजी कडा-ऐतिहासिक मोहीम @Trekmaster
#forts#tanajikada #Tanhajikadaclimbing #tanajithewarrior #tanajimalusare #Tanaji Kada
नरवीर सुभेदार तानाजी मालुसरे यांना पुण्यतिथी निम्मित अनोखी मानवंदना
माघ नवमी ही नरवीर तानाजी मालुसरे यांची 353 वी पुण्यतिथी. याच दिवशी सिंहगड किल्ला जिंकला पण त्यांना वीरमरण आले. मुलाचं लग्न उघड्यावर टाकून "आधी लगीन कोंढाण्याचं मग माझ्या रायबाचं" असं म्हणत तानाजी मालुसरे उदयभान राठोड नावाच्या किल्लेदारावर धाऊन गेले. घनघोर युद्धात तानाजी मालुसरे यांना वीरमरण प्राप्त झाले. त्यांचे बंधू सूर्याजी मालुसरे, वयानं जेष्ठ शेलार मामां व अन्य मावळ्यांनी गड ताब्यात घेतला मात्र शिवरायांचा बालमित्र अन मराठी मूलकाचा सिंह धारातीर्थी पडला. याच प्रसंगामुळे कोंढाणा किल्याला सिंहगड असे नाव पडले.
जो कडा सर करून तानाजी मालुसरे अष्टमीच्या रात्री किल्ल्यावर गेले होते त्याच काळोख्या रात्री हा कड़ा सर करून आम्ही सिंहगडावर जाऊन त्यांना अनोखी मानवंदना देण्याचे आम्ही ठरवले. सुमारे साडेतीनशे वर्षांपुर्वीचा इतिहास त्याचप्रकारे अनूभवण्याचा आमचा प्रयत्न यशस्वी झाला. आज आपण ज्याला तानाजी कडा म्हणून ओळखतो तोच कडा अष्टमीच्या रात्री बारा वाजता चढण्यास सुरु केली सलग चढाई करून पहाटे चार वाजता आम्ही किल्ल्यावर पोहोचलो. रात्रीच्या अंधारात कडा सर करण्याची जोखीम अधिक असते. एस एल एडव्हेंचर प्रमुख लहू उघडे यांच्या नेतृत्वाखाली कसलेले गिर्यारोहक कृष्णा मरगळे, तुषार दिघे, मानसिंह चव्हाण, मंगेश सांबरे, शैलेश थोरवे, प्रसाद बागवे, युवराज गटक्कळ, विनोद गायकवाड यांनी ही मोहीम यशस्वी करून शिवबाच्या मावळ्यांना अनोखी मानवंदना दिली.
शब्दांकन- मानसिंह चव्हाण