TUNCH ZAUN ASSAI
Koxttam-dukam vellar, dukam sanvronam
Vadoll-modanim bhavart, ghott uronam
Soglloch akant-bhirant, khuim vechem sozmonam
Konaxim vochum Dhonia, tum mozo Deu astanam
Tunch zaun assai Dhonia, Deu sorv podvedar
Tujeach hathan assa, sorg ani sounvsar
Sodanch ugttem amkam, tuje kakutichem darr
Kurpecher kurpa, denvta soglleach vellar
Patkan mhojea Somia, tum khuimch disonam
Bair soronk kallukantlean, uzvadd mellonam
Otmo raji punn hi kudd, oskot tum zannam
Sandinakai mhaka, hanv tujeach hatachim rochnam
Adnea tujeo mod’tat, utt’tam bostanam
Kallzant-monant fogot, ragachim bhavnam
Promanikponnachim, fuddem vochonam pavlam
Kallzan mojea ie Jezu, tuje bhogor jivit nam