රුවන්වැලි මහාසෑරදුන් ඉදිරියේ| පූජ්‍ය වටගොඩ මග්ගවිහාරී ස්වාමීන්වහන්සේ |ven. Watagoda maggavihari 2010
☸️නිබ්බානං පරමං සුඛං නිවන හෙවත් දුක් නිවීම පරම සුවයයි. ඒ සුවය ලබා ගැනීමට මාර්ග දෙකක් ඇත. එනම් බණ ඇසීම හා මාර්ගය වැඩීමයි. එය බුදුරජාණන් වහන්සේ පුද්ගලාරෝපණයෙන් කොටස් සතරකට බෙදා දේශනා කළහ. උග්ඝටිතඥ හා විපචිතඥයෝ බණ ඇසීමෙන් නිවන් දක්නාහු වෙති. නෙය්‍ය හා පද පරමයෝ මාර්ගය වැඩීමෙන් නිවන් දක්නාහු වෙති. මෙකල නිවන් දැකීමේ නොවරදින පිළිවෙල මාර්ගය වැඩීමයි. නිවන් දැකීමේ එකම මග ආර්ය - අෂ්ටාංගික මාර්ගයයි. ඒ අංග අට ශීල-සමාධි-ප්‍රඥා යන ගුණකඳු තුනට ගොණුවේ. ආර්ය අෂ්ටාංගික මාර්ගයෙන් ගමන් කිරීම නම් ස්වකීය සන්තානයෙහි ශීල - සමාධි - ප්‍රඥා යන ගුණකඳු තුන දියුණු කිරීමයි. ශීලයෙහි පිහිටා සමථ හා විදර්ශනාවන් වැඩීමයි. මෙහි සමථ- විදර්ශනා දෙකින්ම කියැවෙන්නේ භාවනාය. භාවනා කොපමණ අවශ්‍ය වුවත් භාවනා ඥානය නැතිව සුදුසු ගුරුවරයෙකු නැතිව එය නොකළ හැකිවේ☸️