وردة الجزائرية Warda eljazairia - اسمعوني Esmaouni | حفل الجزائر 1976

نقدم لكم أحد وصلات السيدة القديرة وردة الجزائرية رحمها الله من حفلها بالجزائر لعام 1976 . وقد شدت فيه بعدد من الأغاني من بينها " دندنة - ولاد الحلال في الوصلة الأولى و خليك هنا - اسمعوني في الوصلة الثاني " وقد أقامت في تلك الفترة 4 حفلات متواترة في الجزائر . هذه الوصلة مع كامل الأسف من تسجيلاتي القديمة لذلك ليست على قدر عالٍ من الجودة وقد تم عرضها ضمن برنامج أغاني ونغم لذلك ليست مكتملة . ولكن لندرتها تم طرحها بعد تعديل الألوان .. نأمل أن تحوز على رضاكم 🌷. warda eljazairia - Esmauoni اسمعوني " يا أهل الهوى " كلمات : سيد مرسي ألحان : بليغ حمدي يا أهل الهوى قبل ما تظلموني اسمعوني إسمعوني و اسمعوني و افهموني عشقنا ياما عشقنا وشربنا سنين م الهوى شربنا سوا ودبنا ياما دبنا واتعذبت قلوبنا وف ليلة قابلوه , كلموه, سألوه عن اسمي سألوه , عن حبي سألوه قال ما اعرفوش , ما قابلتوش , ما شفتوش , ما عشقتوش قال يعني مش فاكرنا , ولا فاكر حب بينا وايامنا سوا قال لكو ايه .. ما تستغربوش هو في حد النهاردة بيفتكر روح .. روح روح قول له يا قمر فاكرنا ولا ناسي ناسينا ولا فاكر ليالي السهر ماتقول له يا قمر ولا انت يا قمر اتعلمت القساوة وبقيت زي حبيبي بتنسى يا قمر حبايبك يا قمر غريبة و مش غريبة .. دنيا و فيها العجايب بتريح اللي ظلموا و بتتعب الحبايب مين.. مين يخلص مين كده يا ناس مين .. مين يضيع منه احلى سنين وتيجي ايام و يقول للناس انا ما اعرفش هو مين وآه .. لو الأيام بتتكلم كانت قالت عملنا ايه وكان الحب اد ايه و راح ازاي و كنا ازاي و دلوقتي بقينا ايه وشوفوا بيقول علينا ايه ده ف ليلة قابلوه , كلموه, سألوه عن اسمي سألوه , عن حبي سألوه قال ما اعرفوش , ما قابلتوش , ما شفتوش , ما عشقتوش قال يعني مش فاكرنا , ولا فاكر حب بينا وايامنا سوا قال لكو ايه .. ما تستغربوش هو في حد النهاردة بيفتكر اسمعوني باقول لكو ايه .. اسمعوني ما تيجوا بينا ننسى اللي كان ننسى سوا غدر الزمان اسمعوني ايه رأيكم بتقولوا ايه خسارة و الف خسارة لكن اعمل ايه ده ف ليلة قابلوه , كلموه, سألوه عن اسمي سألوه , عن حبي سألوه قال ما اعرفوش , ما قابلتوش , ما شفتوش , ما عشقتوش قال يعني مش فاكرنا , ولا فاكر حب بينا وايامنا سوا قال لكو ايه .. ما تستغربوش هو في حد النهاردة بيفتكر