عـــابرة 33
كلمات ...محمد احمد الحبيّب
ماعارف الزمان دساس
يفتش لى أذانا وبس
نشر غنواتنا بين الناس
عشان يصبح لقاك بالدس
لكن نحنا والمحتوم
قواديساً صراطا ألس
وهناك فرد إتجاه بنقوم
متل بيض أم دريقا فقس
الخلق البشر ياعابره
ماسوالو حاجه عبث
مكتوب اليكون والكان
من اول مره فيها عطس
ياعابره الطريقه أساس
وتسقيك المعانى نفس
وتعود الشكره للفُراس
ويكون سبب الغنيمه فرس
ياعابره الصلاح مجهود
مو شيتن بيتورث
كتير الفى طريق مسدود
بعد أقسم يمينو حنث
منو البيوالي للأذكار
يصنقر لى قرينو حرس
ويراقب موسم الأمطار
إذا أرعد سحابا غرس
أراد ألله سنين يا أمانى
بى ذكراكي أتونس
واشيل الليل مع أحزاني
ينعس نجمو ... مابنعس
بقيت لمان يفيضبي هواك
ولابحرن يحدو تَـــرس
وأخاف لامن أجيب ذكراك
يقولو علي إتجرس
عبور بحر الأمانى محال
إذا ريح المحنه كرس
منو البتعشم الإظلال
علي أرضن نباتا تَـبـس
صحيح ياعابره مافى أمان
بعد حجر المحنه غتس
مع زمنن بني الإنسان
يدقلا فى الدلاله جرس