ما عارف الزمن دساس
يفتش لي اذانا وبس
نشر غنواتنا بين الناس
عشان يصبح لقاك بالدس
وما عارف الزمان دساس ..
يفتش لي اذانا وبس ...
لكن نحن والمحتوم
قواديسا صراطا الّس
وهناك فرق اتجاه بنقوم
متل بيض ام بريقة فقس
وما عارف الزمان دساس...
يفتش لي اذانا وبس ......
الخلق البشر يا عابرة......
ماسوالو حاجه عبث...
مكتوب اليكون والكان....
من اول مرة فيها عطس...
وما عارف الزمان دساس..
يفتش لي اذانا وبس...
يا عابرة الطريقة اساس...
وتسقيك المعاني نفس ...
تعود الشكرة للفراس .....
ويكون سبب الغنيمة فرس...
وما عارف الزمان دساس...
يفتش لي اذانا وبس ....
يا عابرة الصلاح مجهود
مو شيتن بيتورث ......
كتير الفي طريق مسدود
بعد اقسم يمينو حنث ....
وما عارف الزمان دساس
يفتش لي اذانا وبس.....
منو البيوالي للاذكار .....
يصنقر لي قرينو حرس....
ويراقب موسم الامطار....
اذا ارعد سحابا غرس...
ومااا عارف الزمان دساس....
يفتش لي اذانا وبس....
اراد الله سنين يا اماني....
بي ذكراكي اتونس....
واشيل الليل مع احزاني
ينعس نجمو ما بنعس.....
وما عارف الزمان دساس...
يفتش لي اذانا وبس...
بقيت لمن يفيضبي هواك ...
ولا بحرا يحدو ترس....
واخاف لمن اجيب ذكراك ....
يقولوا عليا اتجرس ....
وما عارف الزمان دساس....
يفتش لي اذانا وبس.....
عبور بحر الاماني محال ....
اذا ريح المحنة كرس......
منو البتعشم الاظلال.....
علي ارضا نباتا تبس....
وما عارف الزمان دساس...
يفتش لي اذانا وبس.......
صحيح يا عابرة مافي امان ...
بعد حجر الاماني غتس .....
ومع زمناً بني الانسان.....
يدقلا في الدلالة جرس....
ومااااا عارف الزمن دساس
يفتش لي اذااانا وبس