ဗိုလ်မှူးအပါအဝင် ၁၄ဦး အရှင်ဖမ်းမိသည့် နွားထိုးကြီးတိုက်ပွဲ
-------
မန္တလေးတိုင်း၊ နွားထိုးကြီးမြို့နယ်၊ ဝက်လူးရဲစခန်းမှ ထွက်လာသော အင်အား ၂၀၀ ကျော်ပါဝင်သည့် စစ်ကောင်စီစစ်ကြောင်းကို ပြည်သူ့ကာကွယ်ရေးတပ်မတော် PDF တပ်ဖွဲ့ဝင်များက မတ်လ ၉ရက်တွင် ကြားဖြတ်တိုက်ခိုက်ခဲ့သည့် ရုပ်သံမှတ်တမ်းကို အမျိုးသားညီညွတ်ရေးအစိုးရ NUG ကွပ်ကဲမှုအောက်ရှိ မြင်းခြံခရိုင်အမှတ်(၄-၁၀)တပ်ရင်းက ယနေ့ ထုတ်ပြန်လိုက်သည်။
နံနက် ၉နာရီမှ မွန်းလွဲ ၂နာရီကျော်အထိ ကြာမြင့်သည့် ထိုတိုက်ပွဲအတွင်း ဗိုလ်မှူးအဆင့်အရာရှိအပါအဝင် ၁၄ဦး အရှင်မိသလို စစ်သား ၂၀ကျော် သေဆုံးပြီး သေနတ် ၄၄လက်နှင့် ခဲယမ်းများရခဲ့သည်ဟု ထုတ်ပြန်ချက်တွင် ဖော်ပြထားသည်။