#طريقة_عمل_مينى_تارت_بطريقة_سهله
#تارت_المحلات
#حلويات_رمضان
فيديو انهاردة مميز جدا ياريت تسمعوه لآخر ولو عجبكم الفيديو اشتركوا في القناه واعملوا لايك و شير
🔴 مينى تارت الكنافة بحشوات مختلفة
💥مقادير العسل
500 جرام سكر
250 جرام مايه
250جرام عسل جلوكوز
رشه ملح لمون
نحطهم مع بعض على النار وأول ما يغلى نحط الملح الليمون وبعد كدة نمسح حوالين الحلة العسل اللازق بالاسبتيولا أو نغطى الحلة عشان العسل اللازق حوالين الحلة يدوب من البخار أول ماالسكر يدوب نطفى علطول حوالى 10 دقايق ونتركه على جانب يبرد
💥المقادير
500 جرام كنافة مفرومه
2 معلقة كبيرة سكر بودرة
200 جرام سمنه مايعادل كوب
💥الطريقة
نطلع الكنافة من الفريزر ونفرمها أو نكسرها كويس
بعد كدة نحط عليها السكر ونقلبهم كويس مع بعض
نسيج السمنه ونحطها على الكنافة ونقلب كويس جدا لحد ما الكنافة تشرب السمنه كلها
نضغط عليها بإيدى نلاقيها تعمل كتله واحدة
نحضر القوالب المينى تارت وندهنها سمنه ونضغط فيها الكنافة ونساوى كويس
نرصهم فى الصاج وندخلهم الفرن على درجة حرارة 200 لمدة 30 دقيقة أو أقل حسب نوع الفرن
نطلعهم من الفرن نحط عليهم العسل ونتركهم على جانب يبردوا
بعد كدة نطلعهم من القوالب نزينهم حسب الرغبه
والف هنا عليكم 🥰