အာဖရိကတိုက်ကြီးရဲ့ စိတ်ဝင်စားဖွယ်အချက်များ | Interesting facts about Africa
ကမ္ဘာပေါ်မှာ တိုက်ကြီး ၇ တိုက် ရှိတဲ့အနက်က တိုက်ကြီး ၅ တိုက်ရဲ့ အကြောင်းကို သုတဇုန် ချန်နယ်မှာ ဝေမျှခဲ့ပြီးပါပြီ။ ဒီတခါတော့ နောက်ထပ်တိုက်ကြီးတတိုက်ဖြစ်တဲ့ အာဖရိကတိုက်ကြီးရဲ့ အကြောင်းကို ဝေမျှချင်ပါတယ်။
ကမ္ဘာ့ကုန်းမြေဧရိယာရဲ့ ၂၀%ခန့်ကို ရယူထားတဲ့ အာဖရိကတိုက်ဟာ ဧရိယာစတုရန်းမိုင်ပေါင်း ၁၁.၇သန်း ကျော်ကျယ်ဝန်းပြီး ကမ္ဘာပေါ်မှာ အာရှတိုက်ပြီးလျှင် ဒုတိယမြောက်ဧရိယာကြီးဆုံးတိုက်ဖြစ်ပါတယ်။
လူဦးရေ သန်းပေါင်း ၁၄၀၀ ခန့်နေထိုင်တာကြောင့် အာရှတိုက်ရဲ့နောက် ဒုတိယလူဦးရေအများဆုံးတိုက်လည်းဖြစ်ပါတယ်။