القناع || الشاعر صفاء الصمت || قصيدة تجسد التعب من صعوبة العيش بوجه حقيقي 💔

موسيقى : Amer Ahmad
https://www.instagram.com/0_ar5?igsh=bTczcG5hZWR1Nmt6

• كلمات القصيدة :

مثل كل صبح اكعد وامسح دموعي
واكلب يوم من عمري
واسلم عالوجوه الطفت بشموعي
انظف خشب حلمي من الرماد البيه
اباوع للصور واعتذر للحيطان
اكلهه اسف لان تعبتج ويايه
واكوم اغسل تعب وجهي بمي بارد مثل ليلي
اشوف مراية تتباوعلي مكسورة مثل صبري
اشاقيهه واكلهه التعب لايكلج
اخاف من الكسر ينفتح موضوعي
مثل كل صبح اختار الطلعتي هدوم ما تشبهني
ما تشبه حزن روحي
ما بيهه مثل هذا التراب التارس عيوني
ما بيهه مخالب ناس
ما متشككه بيد اليحبوهه مثل كلبي
اختار هدوم ما تشبهني مختاريهه
ما منسيه ما مشويه باغنية
ما تعرف شنو احساس الشجر من ينطعن فيه
ما تنشف رمل كل يوم
كدام المحطه الما تعرف تجيب
وترد متنكعه بالخذلان
حلوه الوانهه ما بيهه من صوت القطار الوان
اختار لطلعتي هدوم واروح
اروح اطلع واجامل ناس
وانا كلي رصاص
الضاع من ذيج الحرب مصبوب بظلوعي
مثل كل صبح
اضم وجهي القديم التعب من حزنه وخساراته
من صفناته الطوال على وجه الماي
من ذاته من اسألته
اسألته الي مو مالاكي اليجاوب عليهن لا
لا ما لكه اليسألهم
اضم وجه الصدك وجهي
والبس وجه يضحك خوف من الناس
خاف فلان خاف يكول
وخاف يشوفني مكسور وخاف وخاف
واضحك جذب واتفاخر وابوس الغيم بعيوني
وانا المفروض اجمل الغيم بعيوني
انه خسران
مثل كل صبح
نفس الناس التبوك الفرح مني
يبوكون الحزن مني
عجيبه الدنيه هاي الما تخلي المحترك يصرخ
عجيبه تكلك اضحك وانت عالمذبح
تكص جناحك التوه نبت حلمه تكلك طير
ومن تستسلم وتشمر عليهه ايامهه وتروح
ما تصيحك
من توصل بعيد تصيحك وتضحك
ترد الهه تجيهه من التعب خاوي
على عيونك طريق وليل
وخوف لثام فوك لثام
وبمشعلك هوسه ريح
توصلهه تريد تطيب تحط اصبعهه بعيونك
تكلك مو مهم جرحك
تلم كل الغرب بالكاع وتنصحك
تكلك عيب كدام الغريب تطيح وتدفعك
يامخرج الدنيه الدور هذا جبير ما بيه
ما بيه امثل دور واحد يضحك ومرتاح
وانا بصدري طفل ينذبح يوميه
انا خسران ، اريد اصرخ ، اريد اركض ، انا مهزوم
انا عنوان ضاع بجثة منسيه
انا اخر حلم بعيون اليموتون
انا الثار البرد بجفوف راعيه
هسه الما اله حق يفرح
عليمن ما اله حق يحزن
الحزن حاله احتياج انساني
مثل العطش مثل الجوع
ليش ننازعه الما نستحي منه
جا هذا الوجع مخلوق بيه المن
انه احتج على كل القوانيت التسكتني
وانا بعيوني جمره احتج
اجيب ابسط امانيي
امانيي الزغيرة الما تحقق منه شي واحتج
اشيل احلامي النباكن
واحطهن لافته سوده على قرص الشمس واحتج
انا خسران
لحد لا يكلي انت قوي ما اريد ، اريد ابجي
انا خسران اريدن حقي من حزني
لحد لا يكلي انت قوي ما اريد ، اريد ابجي
اريدن مثل اي مسودن بشارع
من اذبح طير كدام السما واضحك
محد ما يكلي شبيك
من اضم الطير عن عين السما وابجي
محد ما يكلي شبيك
من اصرخ انا مبيوك
انا بهاي الجفوف انطيت سيف لناس
نفس القيمه عدهه السيف والخنجر شريد احجي
شريد احجي
من عزلو جنطتي ومشو
جنت انه المحضرهه الجنط بيدي
هم الكالو انت التذكره الما نعبر الدنيا بلياهه
هم الكالو وصدكت بكلشي يصدك الملهوف
اريد من اطلع بشارع الي بيه ذكرى وياهم
اضم الكاع
واحط ترابهه بعيني
اخ شكد جنت ما اشوف
ولك ياماي لا تصبرني ما مسموح
انا مثل النهر مخلوق حتى اجري
اجيت اليوم نازع حلمي ولثامي
ولج جا شمس جويني
ولك يا شامت ادنه
حفله بلا قناع اليوم بجي ما ينشبع منه
ولك ياصبح هذا اخر جذب وياك
بعد يحلم ضواك بضحكة الخسران يتحنه
مو دوم الندى يضيع دموع الماي
ومو دوم الحزن لليل
بعد منا وجاي احسب حسابك زين
اكو خسران
يجيك الصبح يعلك عالجروف شموع

#شعر #شعراء #شعر_شعبي_عراقي #موقف_حقيقي #تغيير_طريقة_التفكير #شعر_عراقي #شعر_حزين #شعور #كلام_من_ذهب #كلام #كلام_الناس #حبيب_الروح #اكسبلور #مونتاج #مونتاج_الفيديو #مصمم #تصميمي #تصميم_شعر #موسيقى #كلارينت #موسيقى_شعبية #تركي #عزف_حزين #عزف #يوتيوب #مشاركة #تعليق #مخطوطة #صورة_مصغرة #صورة #تعديل_صور #اشتراك