يا گلبي كف || الشاعر علي المنصوري || قصيدة تجسد النصيحة للقلوب المكسورة بسبب الحب الخطأ 💔

موسيقى : Amer Ahmad
https://www.instagram.com/0_ar5?igsh=bTczcG5hZWR1Nmt6

• كلمات القصيدة :

يا كلبي بعد لاي شور ما اخليك
وكل ما يخطر ببالك تحن اجويك
كلي شحصلت من فتحتلك باب
تجي تختار وين الونسته يبجيك
اكلك يوجعوني وحضرتك تشتاك!
لا وين المحنه الزايده توديك
انت وياي وياهم شنو الموضوع!
يحسبونك علي لكن نفع ما بيك
كون اكدر الوحك ما صبرت وياك
اشلعك من تحن ولاي غريب اطيك
ياكلبي تريد تعيش غالي اتعلم الاهمال
وحطهه ببالك احجاياتي ما اوصيك
واثكل دمرتني مو تعبت وياك
تشوف اوجوهم وتدك سريع شبيك!
جرب دور وجهك اضحك وي الناس
الوحده البيهه عايش ممكن تأذيك
وازعل منهم وحسسهم مقصرين
وشنهو الفايده بزعلك مسج يرضيك...
ونام وطول واصرف وكت بالنوم
بلكي النوم عنهم يكدر يلهيك
واخذت حجايتي ومن عصر كمت تنام
وشبيدك اذا بالحلم مروا بيك!
ياكلبي بعد منا وكف منهم
وعلى وكتك وصحتك لا تفضلهم
وخاف يحسسونك رادو يروحون
فك الباب بيدك لا تعطلهم
وخاف تضم عليهم خاف ينقهرون
كلشي البيك صاير لازم تكلهم
بالمالي خلك بس انتوا جنتو الصوج
وكلشي يصير منهم لازم تكلهم
زعلك غالي لا ترضى بانصاف اعذار
مو سلعه المشاعر لا ترخصلهم
تعلم عالصلابه اي مرن ينداس
ولا تهتم بعد بيهم اتجاهلهم
ولا تشتاك خلهم همه يشتاكون
واذا تشتاك كابر لا تبينلهم
وعامل بالمثل وداك وين الطيب
يرخصوك وحضرتك تجي تدللهم!
اتصلوا اتصل وانسى اذا ينسون
ومثل ما عاملوك انوب عاملهم

#شعر #شعر_شعبي_عراقي #شعر_عراقي #تصميم_فيديوهات #مخطوطة #لايك #يوتيوب #اكسبلور #كلام_من_ذهب #ابوذيات #لون #اشتراك #اشتراك_بالقناة #غزل #شعراء #قصائد_مكتوبة #احمر #الحب #الحبيب #موسيقى #موسيقى_عشق #موسيقى #كلارينت

إنّ المقطع الصوتي Colorless Aura من Kevin MacLeod مرخَّص بموجب رخصة الإصدار 4.0 من المشاع الإبداعي مع نسب العمل إلى مؤلفه. https://creativecommons.org/licenses/by/4.0/

المصدر: http://incompetech.com/music/royalty-free/index.html?isrc=USUAN1400008

الفنّان: http://incompetech.com/