المهيب || الشاعر علي المحمداوي || قصيدة تجسد اللامبالاة بما يحصل بسبب التجارب القاسية 🍀

موسيقى : Amer Ahmad
https://www.instagram.com/0_ar5?igsh=bTczcG5hZWR1Nmt6

• كلمات القصيدة :

كالو خلصت كلتلهم اهل البيت
من خلصوا بقى ذكراهم يلالي
كالولي النجوم تنام من تشتاك
كلتلهم عفت غالي وجبت غالي
كالولي الرمش مرات ماي يصير
كلتلهم لمن يحلا الي يحلالي
كالولي النهر كطعوه على العباس
كلتلهم دمع زينب بقى ببالي
كالولي علي البالغار لو بالحوت
كلتلهم علي نفسه العلي الحالي
شعنده بداخلي الماعرف بيه يعيش
وليش الكلب يعشك كلشي مو مالي
السهم يركض مغمض الجفوف تشوف
الاخرس والغرك بس جفه اليلالي
يحجي الماعرف سالفته بالديوان
صرت من انسأل عالماعرف حالي
صوجي وما عرفت الكاس شفته منين
الرفعته بجفي ياما لغيري رد خالي
بس من خلص وكتي اتذكريت اثنين
الرخيص يحب رخيص الغالي للغالي
ثاري المشكلة الماعرف وجه الماي
ما يعرف كباله شجم سما تلالي
رمشة مستحه من رحت ما خليت
ولا خط ذكرى فوك الشجره يبرالي
هي المشكلة لو ما رخيص الموت
اسهل عندي بس مو انت البالي
جنت محتاج اخون الجان يوفي وياي
وحنته وخان بيه الخنته وي غالي
هنانه المشكله وتيهت راس الخيط
بين الخاني وبين الي يحلالي
ومشه بيه العمر عكازه بين اثنين
واحد كل للاخر شيبه يصفالي
وانا وجه وكفه مطعون بس ما اكول
الهيبه البيه ترفض تنجفي دلالي
اشد غتره على دله الدم فحم ويعيش
يم جثتي وبدمهم اترس سلالي
وضحك لي الكاس وكلي العين تهوى العين
والما صار حاجب يكره العالي
باجر كل شي الي باجر بكيفي الضوك
باجر انه استنكه الي يحلالي
والمو كلبه الي اخذ البيه ويروح
هضيمه بحضني يغفى الهو مو مالي
انا حس بالي احب غراني شكله هواي
بس تالي الندم ردني على حس بالي
لذلك قررت اكسر عيون البوم
لان بالليل صدري يخجل هلالي
البرزخ ضايكه كد ما عشكت هواي
عذاب الحب اذيته اكثر من افعالي
انا التانوني اقرى لخاطر يصفكون
لو يبجون هسه اعشك اليقرالي
قصيدة حب واقشمر واهس التشييع
جنازة كلب خلص عمره يبرالي
جنت مقتنع من تطفى النجوم تنام
مثل ما جنت احب هيجي يتراوالي
ثاري الدنيا شمعه ومشتهاي الخيط
سنين لغيري تدوي ولحظة تصفالي
اضل انه المهيب الكبل عاش ومات
وكل هاي الاسامي الصارت بجالي
هو الجان الي لو راح خل يروح
اول تالي يرجع لي ويصفالي

#شعر #شعر_شعبي_عراقي #شعر_عراقي #تصميم_فيديوهات #مخطوطة #لايك #يوتيوب #اكسبلور #كلام_من_ذهب #ابوذيات #لون #اشتراك #اشتراك_بالقناة #غزل #شعراء #قصائد_مكتوبة #احمر #الحب #الحبيب #موسيقى #موسيقى_عشق #موسيقى #كلارينت


إنّ المقطع الصوتي Industrial Revolution من Kevin MacLeod مرخَّص بموجب رخصة الإصدار 4.0 من المشاع الإبداعي مع نسب العمل إلى مؤلفه. https://creativecommons.org/licenses/by/4.0/

المصدر: http://incompetech.com/music/royalty-free/index.html?isrc=USUAN1100811

الفنّان: http://incompetech.com/