وهج || الشاعر حسام سباهي || قصيدة تجسد حزن والم وقسوة الحياة على المرأة العراقية 💔

موسيقى : Amer Ahmad
https://www.instagram.com/0_ar5?igsh=bTczcG5hZWR1Nmt6

• كلمات القصيدة :

وهج طفله وصحت عالشيب
ماتندل تراجي الطف
وهج جانت قصيدة ومشرعه
وخيمه ونوايه ودم زلم ما جف
تدنه الليل وانباكت كلايدهه
الصدك ما درت باسم الله حرز جذاب
عند الباك جرغدهه
الشعب يقرا بقصايبهه شكثر
تاريخ مكتوب بتعب شيله
على كاروك اليدورون لولت
حنة الفردوس تفعيله
لكيناهه كناطر عابره من الغيم
تتهجد مطر عطشان
متبدي بتواسيله
وهج طفله عراقية
زغيره بطول عمر ادم
حزن يشبه وجه خبزه
جوتهه شفايف الحرمان
وسجن وسياط ما تستغفر ابن ادم
جوتهه شفايف الحرمان حريه
المناير زغرت وكبرت سوالفهه
المحاريب وصلاة الليل متوضيه بشفايفهه
حرامات الانسان يموت ونشيعه
حرامات الدرب من يعثر نضيعه
وهج طوفي على كل ديره
بعيونج ملامح خوف لو حيره
الشعب جوعان حشميهم على الغيره
اغسلي شكد سنابل جاسهن جف ليل
وانباع الوطن سكته
برخص صفنة طفل ميلاده يم جامع
الشعب مدري الوطن ضايع
تغربنه وي كل حفله عشك وجنازة موادع
وهج صيري طفل مو طفله شعبيه
لكينه بمصحف الثورات شيباتج عراقيه
سبوج ورادوا تفرعين بس الستر عالنيه
سمارج بيه تعب فلاح
وعيونج وضايف ركضت على الطيف
من عطشت سواجيه
الحداثه البيج ما تقراهه الحديثات البكدج
الدخلو دينج يعرفون شامات الضوه بخدج
الوحي يباريج بس وينه النبي المن خاطره يعبدج
خذوج ومن جديد انريد للدنيا ضوه نردج
وهج ماكو سما بكدج

#شعر #شعر_شعبي_عراقي #شعر_عراقي #تصميم_فيديوهات #مخطوطة #لايك #يوتيوب #اكسبلور #كلام_من_ذهب #ابوذيات #لون #اشتراك #اشتراك_بالقناة #غزل #شعراء #قصائد_مكتوبة #احمر #الحب #الحبيب #موسيقى #موسيقى_عشق #موسيقى #ناي