حذر || الشاعر ايهاب المالكي || قصيدة تجسد الم الفراق بعد الحب 💔

موسيقى : Amer Ahmad
https://www.instagram.com/0_ar5?igsh=bTczcG5hZWR1Nmt6

• كلمات القصيدة :

ماردت احبك حاولت
من لفضت اسمك حاذرت
جلمة وشلتهه من الحجي
ومن اللسان اخفيتهه
وبيبان روحي مقفله
وعن لا احب سديتهه
صلفه امنياتي الرادتك
سالتني عنك بس صمت كلش ولا حاجيتهه
كالتلي وينه وجاوبت ما ادري ما دليتهه
ماردت احس حبك لان كبلك الروح انطيتهه
ولخاطرك رحت اعتذر
منيت بيهه لخاطرك
مثل الطفل لمن يمن بحاجته
وياك اعز ناسي انتهو ماعدت احس بعازتك
ابدربي كلت لو موسوه
امشي حياتي بلا درب
يمكن يشح عني الهوه
لا.بس جذب معقوله مانمشي سوه
معقوله في لحضة الشمس للكاع ماتنطي ضوه
وتنتهي مانلكه صبح
معقوله يطلعلي جرح!!
معقوله ريشة شفتك ترسملي بالضحكه رمح!!!
لا موصدك
خلينه من هذا الحجي
بعيوني سوله اعله البجي
وصياد كاعد بالجفن للدمع شايل فالته
وياي احسك جن صرت مثل الهلال وهالته
كالولك يعوفك تره
تذكر كبل؟كتلي شكلهم؟
كتلك أي كلهم لمن من يمي تمشي جنازته
هوه انه عايشلك لان دمي الاعز مابالجسد بس انت تعرف حالته
من مايحس بلمستك يخلص وتبقه وشالته
تذكر جنت من تعتنيلي بلهفتك مشتاك حته تشوفني؟
او تلكاني روحي مشككه ولمسات اديك تروفني
تتركني هسه قررت
ينطيك كلبك ننتهي وبس بالاحلام تشوفني
تتركني هيج بلا ذنب
بررلي حته لو جذب
مليت كلي كمت امل
شيحمله ليلي بوحدتي
ماينحمل بعدك ترى
او جذبت كتلك ينحمل
كتلك لمن تمشي ترى
تتركني وحدي جن طفل
تايه وكل اهله مشو
عايش يتاني الما اجو
كلشي اليمر يفززه
حته الشماته تفززه
من يمشي ويهب الهوه يلتفت حسباله حجو
لاكن لمن يتذكرك
حته الشماته المابجو
من شافو دموعه بجو
هيج انه من عني رحت
ماتسكت جروحي ولو
دورتك انه بشدتي
شفتك وطن حنيت الك
لاكن لكيتك غربتي
احتاريت منهن ياهي اصح
مابين ذلي وعزتي
اختاريت اعوفك حته لا
تكسر قرارك دمعتي
او ونيت سكته ما ردت
يتشمتون بونتي
صح اضحك ابنبرة فرح
بس ركز بصوتي بعد تسمع نحيب بضحكتي
هم مثلي كلبك مانسه
وهم بعد من تمشي درب
تذكرني خطواتك بعد
تترك فراغ لخطوتي
لاتسكت ال لا بينت
بين اثرهه ابعبرتي
ولا تلتفتلي بس ردت انطيك اخر مابقه
او هوه شبقه
مني خذت كلشي وبقت
دمعات ميته بذمتك

#ايهاب_المالكي #شعر_حزين #شعر_عراقي #قصائد_مؤثرة #وجع_الفقدان #الم_الفراق #اشتياق #رحيل_الحبيب #فقدان_الأحبة #حزن #دموع #تصميم_احترافي #الذكاء_الاصطناعي #فن_ديجيتال #تصميم_كتابي #ابداع #ترند #فيديوهات_قصيرة #explore #اشترك_بالقناة #يوتيوب_العراق #viral #شعر_شعبي #شعر_شعبي_عراقي #ابوذيات #دارمي #موسيقى #كلارينت #موسيقى_حزينة_جدا