فيات بيترا 🇮🇹 متعه القياده في الفئه الاقتصاديه - تفاصيل كامله مميزات و عيوب | FIAT PETRA .
#فيات بيترا واحده من اصدارات فيات و ال جت كتطوير لفيات سيينا ومن خلال #سينما_السيارات كواحده من #سيارات_مستعمله في #سوق_السيارات هنتكلم عنها بالتفصيل
متنساس تتابع سلسله #بيجو #دايو #لادا #سيتروين #فورد
سنه ٢٠٠٢ تم تصنيع النسخه المطوره من فيات سيينا مع اختلافات في التصميم و التجهيزات وكمان في الموتور واتصدرت للاسواق العالميه بأسم فيات البيا اما في السوق المحلي كانت فيات بيترا
البيترا اتصنعت في ايطاليا و تركيا و بواندا و البرازيل لكنها ظهرت وحققت ومبيعات بشكل اقوي في تركيا خاصه وانها اتصنعت من شركه توفاش التركيه وهي نفس الشركه ال صنعت الشاهين او الدوجان بالتعاون مع شركه فيات
تصميم فيات بيترا كان عصري جدا ومن اقوي المميزات فيها في وقت اصدارها فمن الجزئ الامامي كانت بتيجي بفوانيس مستطيله مع شبك بالعرض م بين الكشافات ومش كبير تحتهم اكصدام عريض من غير كشافات شبوره مع فتحه صغيره في الاكصدام للتهويه وشبك التهويه كان بيختلف في للشكل علي حسب الموديل
دا بالاضافه لصدادات حمايه او باكتات في الجنبين مع جنوط اسبور ومساحات زجاجيه كبيره اما الجزئ الخلفي فكانت بتيجي بسكلين مختلفين علي حسب الاصدار او البلد المصنعه و السمل الاول كان قريب جدا من التصميم الخلفي لفيات سيينا اما الشكل التاني ودا من رأي الافضل و ال نزل هنا في مصر فكان بكشافات استوب مستطيله مسحوبه كدا بشكل جميل وفي الاسفل اكصدام عريض
خليني اقولك ان النسخه ال نزلت مصر و ال بعيده في التصميم عن السيينا كانت بتيجي بمواصفات تتناسب تماما مع التصميم و الشكل النهائي مع العربيه
فالبيترا كانت بتيجي
بطول ٤ متر ٢٠
و عرض متر ٤٩
و ارتفاع متر ٤٤
و تسارع من صفر ل ١٠٠ في ١٤ ث
مع معدل استهلاك للبنزين ١٠ لتر لكل ١٠٠ ك
دا مع جنط ١٤ بوصه
اما بقي بالنسبه للموتور فكانت بتيجي بنوعين موتور الاول ١٣٠٠ cc ٨٠ هورس باور و التاني ١٦٠٠ cc ١٠٣ هورس باور . و المواتير كانت انجكشن ويتنزل مع فتيس ستيبترونيك اوتوماتيك ٤ سرعات و مانويل ٥ سرعات .
فيات بيترا او البيا لو قررت تشتريها لازم ف اتأكد ان فيها مميزات هتعجبك عن عربيات تانيه
اولها تجربه القياده العربيه سواقتها سهله ومريحه خاصه مع الباور دا غير انها بتمتص عيوب الطريق ومش هتحس اوي بالنقر و المطبات اما في الطرق السريعه فهتلاقي منها اتزان قوي ومن رأيي دي اجمل حاجه في تجربه القياده .
التجيهزات و الكماليات
البيترا بتيجي بتجهيزات مقبوله جدا وبتتمثل في تكييف معقول وبتبان فعاليته اكتر لما العربيه بتاخد سرعتها دا مع الباور و ازاز كهربا امامي وساوند سيستم وغيرها من تجهيزات للتحكم في وضعيات الكراسي دا بالاضافه لمرايات كهربا في بعض النسخ
استهلاك البنزين
استهلاك العربيه للبنزين يعتبر مقبول لكن المفروض يبقي اقل من ١٠ لتر لكل ١٠٠ بكتير ودا لان العربيه في الاساس اقتصاديه و الغريب بقي ان مواتيرها انجكشن مش كاربيراتير و المفروض يعني ان الانجكشن بيوفر بشكل كبير في استهلاك البنزين لكن وارد بسيب الوزن يكون الاستهلاك اعلي
الاعتماديه البيترا اعماديه بشكل كبير وبتاعه مسافات لكن الاهم انك تكون مهتم بصيانتها لو ظهر اعطال ولو بسيطه ف في كل الاحوال مش هتفرهدك عند الصنايعيه و مش هتقرفك في حكايه الصيانه كل يوم و التاني .
المتانه و نظام التعليق
الصاج القوي ميزة مستدامه مع اغلب عربيات فيات اتميزت بيه البيترا ولو اغلب عربيات فيات بتتميز بمتانه وجوده نظام التعليق ف فيات بيترا برده واحده من العربيات دي لانها معاك وعفشتها تستحمل في الهلك لكن دا مش معناه انك تهملها يعني لا خليك كدا من وقت للتاني شيك وربط عليها عشان لما يحصل فيها عطل متزمش وتلعن فيها ونفس النظام في الميكانيكا بالنسبه للموتور او الفتيس .
التصميم زي موضحتلك في بدايه الفيديو تصميمها جميل وعصري جدا خاصه في الموديلات المنتشره في مصر وال بعيده في الشكل عن السيينا من الجزئ الخلفي دا مع ابعادها المتناسقه بشكل كبير خلصه وانها عاليه عن الارض ومش هتحك منك في المطبات
العائليه العربيه مساحتها الداخليه كويسه ومقبوله جدا وممكن تستوعب ل ٥ افراد بشكل طبيعي عشان كدا دا بالاضافه لمساحات التخزين و ال بتوصل ل ٥١٥ لتر بالنسبه للشنطه الخلفيه بالاضافه لمساحات التخزين الداخليه .
لو عجبتك المميزات واقتنعت بيها ف عايز اقولك علي عيوب هتلاقيها مع العربيه و ال وارد اوي تبعدك عنها ومتفكرش فيها
اول عيب قطع الغيار قطع غيارها مش متوفره دا بالاضافه الي انها غاليه لكن بتقبل قطع غيار بديله من السيينا خاصه في الاجزاء الداخليه
تاني عيب الصيانه صيانه البيترا مش معقده لكن اي صنايعي هيلاقي صعوبه وهو بيتعامل معاها بسبب ان العربيه حوضها ضيق .
تالت عيب البارومه واكيد لو تابعت سلسله فيديوهات فيات هتعرف ان دي مشكله ازليه تقريبا مع اغلب اصدارات فيات
رابع عيب ودا بيتمثل في جوده خامات التصنيع فهتلاقيها رديئه سواء في بلاستيك التابلوه او الابواب ودا من رأيي عشان التسعير خاصه ان فيات كانت بتنافس في الفئه الاقتصاديه بالعربيه دي وعايز اقولك ان برغم استخدخدامها خامات بلاستيك زي كدا الا انها برده فشلت في التسعير ودا لان سعرها بيتساوي تقريبا مع عربيات بمميزات اكتر من نفس الفئه .
اخر عيب اعاده البيع
فبسبب عدم انتشار العربيه وقله قطع غيارها وعيوب تانيه ذكرتهالك فأعاده بيعها تعتبر سيئه .
بشكل عام كدا البيترا هتناسبك يعني من الاخر ولا لا
من رأيي العربيه اعتماديه بشكل كبير ومس بتاعه اعطال دا بالاضافه لتصميمها الجميل لكن في المقابل انا شايف ان فيها كام عيب مش سهل تتعامل معاه زي مثلا قطع الغيار الغاليه نسبيا ومش متوفره دا بالاضافه لمشكله اعاده بيعها فلو فكرت تبيعها في اي وقت فللاسف الموضوع صعب لان العربيه مش معروقه اوي ومش منتشره في السوق المحلي
عشان كدا بقولك دايما لو مش بتفكر تبيعها وقادر تتعامل مع مشاكلها اعتمد وهات العربيه لكن بسعر معقول اما بقي لو عايز بدايل فموجود بدايل كتير بنفس سعرها
دا كان فيديو فيات بيترا متنساش اللايك و السبسكرايب
سلام ي وحش