ომი უკრაინაში - სამშვიდობო შეთანხმების პერსპექტივა

საქართველოს სახით ერთადერთი თანასპონსორი ჰყავს გაერო-ში აშშ-ის მიერ უკრაინაზე წარდგენილი რეზოლუციის პროექტს.
მედიის ცნობით, რეზოლუციის ტექსტი რუსეთის მიმართ ნაკლებად მკაცრ ფორმულირებებს შეიცავს - მთავარი გზავნილი და მოწოდება ომის სწრაფად დასრულებაა. არსებობს რეზოლუციის კიდევ ერთი პროექტი, რომელიც ევროპის ქვეყნების მხარდაჭერით კიევის მიერ არის წარდგენილი და რომელშიც რუსეთი უკრაინაში შეჭრაშია დადანაშაულებული. თუ „უოლ სთრით ჯორნალს“ დავეყრდნობით, ოფიციალური ვაშინგტონი კიევს და ევროპის ქვეყნებს ამ პროექტის უკან გაწვევას და ამერიკული დელეგაციის მიერ მომზადებული ვერსიის მხარდაჭერას სთხოვს. ცოტა ხნის წინ ორ სხვადასხვა პროექტს კენჭი უყარეს. ორივე ვერსიამ ხმათა უმრავლესობა მიიღო. რეზოლუციის არა უკრაინული, არამედ ამერიკული ვერსიის საქართველოს მხრიდან თანასპონსორობამ არაერთგვაროვანი რეაქციები გამოიწვია საქართველოში. ომთან დაკავშირებით ამერიკის ახალი ადმინისტრაციის პოზიცია და მიდგომები საქართველოს ხელისუფლების გზავნილებს ემთხვევა, რაც 2022 წლიდან დღემდე გაკეთებული განცხადებებითაც დასტურდება. შინაარსის სიმწვავიდან გამომდინარე რეზოლუციის უკრაინული პროექტის მხარდაჭერას ემხრობა ოპოზიცია, რომელიც ბოლო სამი წლის განმავლობაში უკრაინის მიმართ საქართველოს პოზიციონირებას მწვავედ აკრიტიკებს.

ეწვიეთ ჩვენს საიტს - https://1tv.ge/
მოიწონეთ ჩვენი გვერდი - https://www.facebook.com/1stchannel.1tv.ge
გამოიწერეთ ჩვენი არხი - https://www.youtube.com/user/GeorgianPB/
ვიდეო წარმოადგენს საზოგადოებრივი მაუწყებლის საკუთრებას.
მისი გავრცელება შეგიძლიათ მხოლოდ ბმულის გაზიარებით.
დაუშვებელია მასალის ჩამოტვირთვა და სხვაგან ატვირთვა,
ამ შემთხვევაში მაუწყებელი უფლებას იტოვებს მიმართოს შესაბამის ზომებს.