#НартайАралбайұлы #NartayNews #НартайНьюс #Еңбекадамы
📌 Бүгінгі мамандық иесі - АСПАЗ.
Қазір қалалы жерде өмір сүретін адамдардың күнделікті тірлігі шапқыласпен өтіп жатыр, көбіне. Қыж-қыж қайнаған, асығып-аптығып жатқан мазасыз, үдере көшкен өмір. Сондай зырылдап жатқан тірлікте уақытылы тамақтануды да естен шығарып жатамыз. Бірақ, кез келген жерде қоғамдық тамақтану орнын табуға болады. Бізді құтқаратын, қуантатын да жақсы жағдайдың бірі осы. Қазір елімізде асханалар мен мейрамханалардың түр-түрі жетерлік. Бір-бірімен жарыса, бәсекенің көркін қыздырып, мәзірі де сан алуан ауқаттанатын орындар көп. Ал, қоғамдық тамақтану орны көп болса, әлбетте, аспаз мамандарға да сұраныс артады. Бүгінгі кейіпкерлеріміз сол бармағынан бал тамған шеберлер болмақ.
Қазіргі таңда Қазақстанда аспаз мамандығы сұранысқа ие және перспективалы салалардың бірі. Мейрамхана бизнесінің қарқынды дамуы, туризмнің өсуі және дәмді тағамдарға деген халықтың қызығушылығы аспаздарға деген сұранысты арттырып жатыр. Көптеген жастар бұл мамандықты өз болашағы үшін таңдап, шығармашылық қабілеттерін шыңдауға мүмкіндік алады. Аспаз болу тек қана тамақ дайындау емес, ол – өнер. Жаңа рецепттер ойлап табу, тағамдарды әсемдеу, дәмдерді үйлестіру – бәрі де шеберлікті талап етеді. Қазіргі заманғы аспаз – ол өз ісінің шебері, кәсіби маман, әрі шығармашыл тұлға.
Аспаз мамандығын игеру үшін арнайы оқу орындарында білім алу қажет. Колледждер мен кәсіптік мектептерде аспаздық өнердің қыр-сырын үйретіп, теориялық біліммен қатар практикалық дағдыларды қалыптастырады. Оқу барысында тағам дайындау технологиясы, санитариялық нормалар, ас үй жабдықтарымен жұмыс істеу және тағамдардың калориялығы туралы білім беріледі. Айта кетейік, елімізде бұл мамандықта білім алу тегін әрі жатақхана мен шәкіртақы да қарастырылған.Сонымен қатар, аспаз мамандығы жоғары жалақылы жұмыс табуға мүмкіндік береді. Тәжірибелі және білікті аспаздар мейрамханаларда, қонақ үйлерде және басқа да қоғамдық тамақтану орындарында жоғары лауазымдарға ие бола алады. Өз ісін ашып, табысты бизнесмен болуға да мүмкіндік бар. Бүгінгі кейіпкерлеріміз соған айқын дәлел.
"Еңбек адамы" елеусіз қалмасын! Биыл біз тұтас фильмдер сериясын жасауға бел будық. Кейіпкерлеріміз қарапайым қызметкерлер, бірақ үлкен жүректі, еңбекқор, өмірге құштар адал адамдар. Бұған дейін экрандардан тек өнерпаздар мен шенеуніктерді көретін едік. Бұл дұрыс болмады, олқылықтың орнын толтыру керек. Біз соны мойнымызға алдық. Бұйыртса 40 фильм жарыққа шығады. Көріңіздер!
Инстаграм: https://instagram.com/nartay_aralbayuli?igshid=vrytdav3x4e3
Фейсбук: https://www.facebook.com/nartai.sarsengaliyev