خلونا نكمل رحلته.. و نختم الفصل ده منها..
و المرة دي مع ليبيا..
يوم ١ سبتمبر.. سنة ١٩٦٩ .. أو زي ما اتسمى.. "الفاتح من سبتمبر".. كان جه دور جارة مصر في الغرب.،. الدولة الكبيرة في المساحة.. القليلة في عدد السكان.. "المملكة الليبية".. عشان هي كمان يحصل فيها انقلاب عسكري.. بينما كان الملك إدريس السنوسي بيتعالج من المرض برة البلد.. عشان الساعة ٢ و نص بالليل.. يبدأ مجموعة من "الظباط الأحرار" الشباب في ليبيا ينفذوا الخطة اللي قعدوا ٥ سنين يشتغلوا عليها ..
اللي يمكن يعتبر أكتر انقلاب كوميدي في التاريخ.... عشان تتجسد قدامنا المقولة اللي بتقول ان التاريخ بيعيد نفسه مرتين.. مرة كمأساة.. و مرة كملهاة.. أو مهزلة.. التاريخ بيبيض على نفسه يعني.. فنلاقي في انقلاب ليبيا.. الراجل اللي هايبقى وزير الدفاع الليبي لمدة ٤١ سنة.. أبو بكر يونس.. الدبابة بتاعته و هو سايقها حصل فيها ماس كهربائي و ولعت.. قافلة عربيات الجيب العسكرية اللي كان بيقودها قائد الانقلاب.. معمر القذافي.. اتقسمت عند مفترق طرق و تاهو من بعض.. الظابط اللي كان المفروض يسيطر على مبنى الإذاعة و يعلن منه بيان الانقلاب.. تاه و ماعرفش يلاقي المبنى.. اللي هو حاجة قمة فيلم "غبي منه فيه"!.. كم التخبط و الهبل اللي حصل يفطس من الضحك.. لدرجة ان الانقلاب مانجحش إلا لسبب وحيد بس.. ان ماحدش قاومه من الشعب ولا حد حاول يمنعه أصلا.. فقدروا يستولوا على مقاليد السلطة في ساعتين بس.. و يعتقلوا قادة الجيش و الحرس الملكي من بيوتهم.. عشان الناس يصحوا الصبح.. يلاقوا القذافي بيصبح عليهم في الراديو ببيان النقلاب. اللي اسمها ثورة طبعا.. و بيوعدهم بعهد جديد و مجيد من "الحرية" و "المساواة" و القضاء على "الظلم" و "الاستغلال".
للدعم على Patreon :
https://www.patreon.com/ahmedbehiry
اشترك في القناة الرسمية على تليجرام:
https://t.me/ABehiry
الصفحة الرسمية لاحمد بحيري علي الفيسبوك
https://www.facebook.com/أحمد-بحيري-Ahmed-Behiry-109415711865636
الصفحة الرسمية علي تويتر
https://twitter.com/ahmedbehiry
اشترك في القناة لمتابعة الحلقات الجديدة
http://goo.gl/2KheJZ
المصادر:
- أعلم أهل الأرض
http://www.قooقle.com