صرت بارد || الشاعر محمد العيسى || فيديو حصري 2025 || قصيدة تجسد الخذلان والانكسار من الحبيب 💔

موسيقى : Amer Ahmad
https://www.instagram.com/0_ar5?igsh=bTczcG5hZWR1Nmt6

• كلمات القصيدة

ما تنفع بعد جيتك من تالي
وحسبالي العمر يكضي بفرح وياك
بس هاهيه حسبالي

اجيت دخيل يمي وكلتلك اهلاً بيك
اليجيسك جاسني وفهمتك احوالي

وكتلك ع الدخيل نأمنه بالارواح
وكدامك نموت وصرت جتالي
ولك چا هيج يالغالي

چا بعد التعب واللهفة ومداراك
تاليها انطعن بالمگفه من تالي

وتاليها تسولف عني بالمو زين
وانه بشاعريتي موصفك العالي

وابد ما ادري عنك ما تدوم وياي
جا من البداية وكتلك شمالي
بس انت الصدك ما شفت اهمالي

وما شفت بغيابك حالي جن مكتول
جن جثه بغلط مكتولة والكتال
يگلهم كتل روحه وانه ما مسؤول

الاكبر منها عذرك من اجيت تكول

اعذرني بكتلتك مو قصد والله
عذرك جن دوه .. ما وكف المشلول
مشاكل عندي وانت الجنت الها حلول

وكتلك عاذرك عن كلشي صار وياك
وعن هذا الغلط عذرك ولا مقبول

من كتلي بعد ما ريدن امشي وياك
بذيج اللحظة كوني مهدم ومشلول

لا والله الشلل هم زين واشوه هواي
لا كوني بجنازة على الجتف مشيول

كوني بهذاك الوكت واعي
ميصير گلبي الليلة ناعي
كونك تريد تشوف شتشوف
خاطر امرك صرت ساعي

ردت احجي الحجيته وكلت مو وكته
وشفتك ويه غيري وكلت ما شفته

ردت احجي وسوالف كلت بلكي ارتاح
بس المنهظم ما تستچن علته

ومثل الزعل اهله وشرد من البيت
وره شكم يوم يسمع ميته عائلته

هذا الابد ما ردته
وما ردتك تصير وهل صرت بارد
ومن كتلي ارد اشوفك وارد احظنك حيل
اجيت من السجن شارد

ودخلنا المحكمة وانت الجنت شاهد
وكالولي الشهود وكلت انت وياي
ما ظنيت تبقى كبالي بس ساكت

بعد ما تلمنه دولة مو حظن وفراش
انا الهجيت جي شفت الطبع بارد

بعد ماريد احبن وابقى ادنك راس
انا نغشيت بيك وكلت هالواحد

#شعر #شعراء #شعر_شعبي_عراقي #موقف_حقيقي #تغيير_طريقة_التفكير #شعر_عراقي #شعر_حزين #شعور #كلام_من_ذهب #كلام #كلام_الناس #حبيب_الروح #اكسبلور #مونتاج #مونتاج_الفيديو #مصمم #تصميمي #تصميم_شعر #موسيقى #كلارينت #موسيقى_شعبية #تركي #عزف_حزين #عزف #يوتيوب #مشاركة #تعليق #مخطوطة #صورة_مصغرة #صورة #تعديل_صور #اشتراك